Shillong, Jylliew 01 : Lai ngut ki Khynnah kila iap hynne ka sngi Saitjain bad kiwei pat kila don hapdeng ka jingshitom kaba jur hadien ka jingiabam ia u tit khlaw ha ka shnong Saphai, kaba hap hapoh ka Laskein C&RD Block, West Jaintia Hills District.
U Superintendent of Police ka District Bah Chemphang Syrti ula iathuh ba lai tylli ki Longiing ha shnong Saphai, WJH kila shah ktah na ka jingngat bih tit. La pynkit ia ki sha MCH Hospital, Jowai da ki bahaiing hasem ba kin ioh jingsumar.
Ula iathuhba kawei ka longiing ba shah ktah ka kynthup ia ka Kmie Kong Jumonlang Suchiang (43) ia iba la pynkit sha NEIGRIHMS lem bad u Khun ba 10 snem. Kine baroh arngut ki don hapdeng ka jingshitom jur.
U Khun jong ine I Longkmie ba kyrteng u Wansalan Suchiang (14), Kitlangki Suchiang (10) bad I Khun Kynthei Riwanka Suchiang (8), kila khlad ha MCH Hospital, Jowai.
U SP u pyntip ba kawei pat ka Longiing ba shah ktah ka kynthup ia Ribaitki Shadap, Shanmi Shadap bad Sah Shadap kiba don hapdeng ka jingshitom jur ha MCh Hospital Jowai.
Kumjuh ruh ka Longiing kaba lai ba kynthup ia u Bah Over Sutnga, Anna Suchiang bad Niwanshwa Kanai kiba don hapdeng ka jingshitom jur ha MCH Hosital Jowai.
