Shillong, Naiwieng 10: Ka Meghalaya ka la thaw rekod daka ba jop ia ka Arunachal Pradesh da shi innings bad 446 ron ha ka sngi kaba lai jong ka jingiakhun ha ka Ranji Trophy plate group kaba ka long ha Surat.
Haba sdang biang iaka Second Innings daka ba kamai 29 ron bad hap 3 wicket, ka Arunachal ka la shah pynhap lut ki Wicket tang hadien ba kamai 109 ron.
Kane ka long tang hadien ba ka la kamai tang 73 ron haba beh iaka target bala buh da ka Meghalaya 628/6.
U Aryan Borah u ioh khur 3 wicker bad ai 45 ron na ki 16 over katba u Guest Player u Ajay Duhan u ioh 2 wicket khlem ai ron na ki 1.4 over, u Aaron Nongrum u ioh khur 2 wicket bad ai 8 ron na ki 6 over bad u Akash Chaudhary u la khur 2 wicket bad ai 29 ron na ki 8 over.
Ka jingjop kaba heh tam jong ka Meghalaya mynshwa ka long pyrshah ïa ka Mizoram da ka shi inning bad 425 ron Ranji Trophy 2019-20.
Kiwei ki player kiba al lehkai bha ki kynthup u Arpit Bhatewara uba ioh 207 ron u la ioh ruh iaka nam Player of the Match, u Kishan Lyngdoh 119 ron, u Rahul Dalal 144 ron.
Kane ka dei ka jingjop kaba nyngkong eh jong ka Meghalaya ha u snem 2025-26 hadien ba ar tylli na ki lai tylli ki jingïakhun ba la dep ki la kut noh ha ka jingïakhaid katba kawei pat khlem ialegkai.
Ka Meghalaya kan dang don ha Surat na ka bynta ka jingïakhun pyrshah ïa ka Manipur naduh ka 16 tarik u Naiwieng.
