Shillong, Risaw 18: Ka lympung ialehkai ba nyngkong ka samoi ialehkai ka Ranji Trophy 2025-26 plate group hapdeng ka Meghalaya pyrshah ia ka Mizoram, la hap ban pynsangeh noh shi syndon ia ka, khlem da lah ban ioh ban bol wat tang shi bol ruh.
Kane ka rai ban pynsangeh noh ia kane ka jingialehkai ka jia long hadien ba ka bynta jong ka madan ialehkai kriket ka MCA ha JN Stadium, Polo, ka long ba ka dap um bad pynsngem ia ka madan kaba pynlong ia kine ki ar jylla ba kin shu ia sam noh artad mar shi point.
Ha ka jingshisha naduh shwa ban sdang jong kan eka jingiakhun, ka la don ka jingpyrshang borbah da ki bor ba dei khmih ka MCA bad ki nongbylla ki jong ka, ban ialeh katba lah ban jar noh ia kane ka um bad ban pynrkhiang ia kane ka bynta jong ka madan, hynrei haduh ka sngi kaba saw, kim shim la lah ban leh eiei.
Ka jingeh hi ka mihpaw hadien ba u slap u ba jur u la dang shu dep ba un wan ban ther tyngeh bha ha kine ki khyndiat taiew kiba la leit.
