Shillong, Risaw 18: Ka Hynniewtrep Youth Council (HYC) ka kyntu iaki nongwan jngohkai pyrthei sha Sohra bad ka thain Khasi-Jaintia Hills ba kin pynneh pynsah ia ka jingitynnad jong ka mariang.
Ka HYC ka la buh ruh iaki jingbthah lane ki kyndon, “Do’s” bad “Don’ts”, ban kyntiew ia ka kam jngohkai pyrthei kaba don ka jingkitkhlieh bad ban pynduna ia ka jingktah ia ka mariang.
Ka HYC ka kyrpad ia ki nongwan jngohkai ban bret ia ki jaboh da ka jingkitkhlieh bad haki jaka ba la buh kyrpang, ban burom ia ka mariang bad ki riti dustur jong ka thain, ban pyndonkam ia ki mar kiba iadei bad ka mariang kum ki pla bad ki bilor um kiba lah ban pyndonkam biang, ban pynkhuid ia ki jaka paidbah bad ban kiar na ka jingbret jaboh.
Ka kyntu iaki nongwan jngohkai pyrthei ban da tip iaki kyndon jong ka thain lada ki wan kai ha kane kane thain na ka bynta ban pynneh pynsah ia ka mariang.
Kala pynmih ruh iaki jingmana, kynthup ïa ka jingbret jaboh ha ki jaka paidbah bad ki surok, ka jingpynjot ïa ki jingthung jingtep, ka jingpynjakhlia ïa ki wah, ki pung, ka jing pyndonkam ia ki surok paidbah ban pynlong jaka shet jingshet bad kiwei kiwei.
Kala ban jur ia ka jingdonkam jong ka jingiatreilang ha kaba pynneh pynsah ia ka jingitynnad jong ka mariang jong ka Sohra.
Ka HYC ka pynpaw ba kaba bud ia kine ki jingbthah, ki nongwan jngohkai ki lah ban noh synniang ha kaban pynneh pynsah ia ka mariang jong ka thain.
Ka HYC ka la kyntu ia ki nongjngohkai pyrthei ban wanshang kai da ka jingthmu ban iada iaka mariang, da ka jingsngewtynnat bad dei ban rah tang ia ki jingkynmaw bad iehnoh pat tang ia ki dienjat ha kane ka thain.
 ka kyntu iaki nongwan jngohkai pyrthei sha Sohra bad ka thain Khasi-Jaintia Hills ba kin pynneh pynsah ia ka jingitynnad jong ka mariang.){kind=link}