Shillong, Risaw 29: Ka Maharashtra kala pynrem ia ka Meghalaya da 10 wicket ha ka jingialehkai Cricket jongka Ranji Trophy 2024-25 Elite Group A ha ka jingiakhun kaba la long ha Aurangabad hynne ka sngi Baar kaba dei ruh ka sngi khatduh jong ka jingialehkai.
Ka Maharashtra kala don kam ban kamai 101 run ban pynrem ia ka Meghalaya ha ka sngi kut jongka jingiakhun bad kala lah ban beh ia katei ka thong khlem kano kano ka jinghap wiket bad kala pyndep ia katei ha ka 21.1 Over.
Ka kynhun ialehkai ka Meghalaya mynta kan wanphainoh sha la ka jong ka jylla ban pynkhreh ban iakhun pyrshah ia ka Jammu and Kashmir kaban sdang naduh ka 6 tarik u Naiwieng. Ka J&K kala iakhaid ha baroh ar tylli ki jingiakhun bad kala pynrem ia ka Services da ka Inning bad 25 run ha Srinagar dang shen.
Ha ka 1st inning, ka Meghalaya kala kamai 276 bad hap 10 wiket, u Anirudh B ula kamai 142 run bad u MG Choudhary ula shim 4 wiket abd ai 88 run.
Ha ka 1st inning, ka Maharashtra kala kamai 361 run bad hap 10 wiket bad u Harshal Kate ula kamai 128 run, u MS Bhandari 73 run katba u Akash Kumar Choudhary ula shim 4 wiket bad ai 76 run.
Ha ka 2nd inning, ka Meghalaya kala kamai 185 run bad hap 10 wiket ha kaba u Sumit Kumar ula kamai 45 run bad u MG Choudhary ula shim 4 wiket bad ai 61 run.
Ha ka 2nd inning, ka Maharashtra kala kamai 104 run bad ym shim la don Out bad u MS Trunkwala ula kamai 78 run.
