spot_img

Ranji Trophy | Pynkylla ka MCA ia ka kynhun ialehkai ban mihkhmat ia ka Jylla

Date:

Share post:

Shillong, Risaw 07: Ka Apex Council jongka Meghalaya Cricket Association kala pynthymmai ia ka kynhun ialehkai jong ka jylla ban iashimbynta ha ka Ranji Trophy 2024-25 ha ka jingialang kaba la long hynne ka sngi Nyngkong.

Ka jingjied iaki nongialehkai shynrang ban iashimbynta ha ki 2 tylli ki jingiakhun jong ka Ranji kalah ban wanrah ia ka jingpynkylla da kaba pynshong nongrim katkum ka jinglah ban ialehkai ki nongialehkai.

Ka Meghalaya kan iakhun nyngkong pyrshah ia ka Services naduh ka 11 haduh ka 14 tarik u Risaw bad hadien kane kin wanphai sha la ka jylla ban iakhun pyrshah ia ka Tripura naduh ka 18 haduh ka 21 tarik u Risaw ha nongbah Shillong.

Ka Meghalaya kala ioh rung sha ka Elite Group mynta ka samoi hadien ba kala wan baar ne long ka Runners Up ha ka Plate Group ha u 2023-24, hadien ba kala shah pynrem noh ha ka Hyderabad.

Ia kane ka kynhun yn bteng ban ialam da u Kishan Lyngdoh kum u Captain bad u Dippu Ch Sangma kum u Vice-Captain.

Ki nongialehkai ka Meghalaya ha ka Ranji Trophy (na ka bynta ar tylli ki jingiakhun) ki kynthup ia u Aryan Borah, Akash Kumar Choudhary, Shembhalang Pyngrope, Bamanbha Shangpliang, Bijon Dey, Chengkam Sangma, Dippu Sangma (V-C), Jaskirat Singh Sachdeva, Kishan Lyngdoh (C), Ram Gurung, Roshan Warbah, Swarajeet Das, u Ajay Duhan, Sumit Kumar bad u Anirudh B kibala ioh ia ka jingmynjur na ka BCCI kum ki Guest Professional Player.

Ki nongialehkai kiba la pynap lypa ki kynthup ia u Adarsh Joshi, Anish Charak, Lerry G Sangma bad u Yogesh Tiwari, katba ki Support Staff ki kynthup ia u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad u Bah Dister Marbaniang (Manager).

Share post:

spot_img
spot_img

Popular

More like this
Related

Palat 7000 ki khynnah kin iakhun biang ia ka eksam SSLC supplementary ha Jylla

Shillong, Iaiong 30: Kila don haduh 7085 ngut na...

Soi ka Nongkseh SS&CC ia ki khlur ialehkai I-Leaque bad ki Champion ka SSA 1st Div

Jer ia u Rang ialehkai phutbol barim Bah Richard...

Yn pyninam ia ka Shad Wangala ha ka WAVES 2025

Shillong Iaiong 30: Ka World Audio Visual & Entertainment...

Manipur | Kyrpad ki 21 MLA ia u PM Modi ban wanrah ia ka Sorkar ba jied da u paidbah ha Manipur

Guwahati, April 30: Ha ka jingkylla jong ka kam...