Shillong, Naiwieng 16: Ki arngut ki rang ialehkai ba na shabar (guest professionals) ka jylla ba kynthup ia u Rahul Dalal bad Ajay Duhan, ki la lah ban kamai ia la ki spah ron ki jong ki (century), ha ka sngi kaba sdang ka lympung ialehkai jong ka Ranji Trophy 2025-26 pyrshah ia ka Manipur, ba la long ha madan jong ka CK Pithawala, Surat mynta ka sngi.
Na ka liang ka jong u Rahul u la lah ban kamai haduh 151 ron ba la wan na ki 146 tylli ki bol ba kynthup 23 tylli ki boundary bad 3 tylli ki six, katba na ka liang ka jong u Ajay u la dem hi khui ban kamai ia ka 102 ron ba la wan na ki 184 tylli ki bol ba la bynrap lang bad ki 13 tylli ki boundary.
Kane ka jinglah ban ialehkai bha kine ki arngut ki nongtied (batsman) ka la wan hadien ba ka Meghalaya hadien ba ka la jop ia ka jingkynting pisa, ka la kam trai ba kan tied nyngkong ha kaba ka la lah ba kan kamai 359 ron na ki 90 over.
Sa kiwei pat ki nongtied (batsman) ka Meghalaya kiba la lah ban ia noh synniang sha u sup u thiar kamai ron ka Meghalaya ki long u 31 na ki 56) bad u Arpit Bhatewara (33 na ki 64), kiba la wan ruh ban plie ia ka pali jong ka kynhun bad baroh arngut kin seng ia ka nongrim kamai ron kaba 61.
Hadien kane u Arien u la lap ba out noh bud pat sa u Arpit bad bynrap pat sa na u Kishan Lyngdoh (6 ron), kaba la pynlong shipor ia ka Meghalaya ba kan hap lai wiket naka bynta 74 ron.
Hadien kane, u Rahul bad u Ajay, ki la theh umpjah noh ia ka mynsiem ba la rhem ka Manipur, hadien ba kine baroh arngut ki la dem iakhun hi triang bad sei madan ia ka jingkamai ron paralok kaba 247 ron naka bynta ka wiket kaba saw, bad ban khaleh sawdong ka madan ia ka bol ia ki bowler jong ka Manipur.
 ka jylla ba kynthup ia u Rahul Dalal bad Ajay Duhan, ki la lah ban kamai ia la ki spah ron ki jong ki (century), ha ka sngi kaba sdang ka lympung ialehkai jong ka Ranji Trophy 2025-26 pyrshah ia ka Manipur, ba la long ha madan jong ka CK Pithawala, Surat mynta ka sngi.){kind=link}