Shillong, Naiwieng 11: Ka Senior Men’s Selection Committee jong ka Meghalaya Cricket Association kala jied ia ki 15 ngut ki rangialehkai ban iakhun ia ka jingialehkai kaba san bad hynriew jong ka Ranji Trophy 2024-25.
Ka kynhun jong ka Meghalaya kala leit sha Vadodara ban iakhun pyrshah ia ka Baroda naduh ka 13 haduh ka 16 tarik u Naiwieng bad hadien katei kan sa ioh ban shongthait shwa haduh ban da pynlong ia ka jingiakhun pyrshah ia ka Odisha ha nongbah Shillong naduh ka 23 haduh ka 26 tarik u Kyllalyngkot 2025.
U Akash Kumar Choudhary ula shah jied ban ialam ia ka kynhun kum u Captain ha kitei ki ar tylli ki jingiakhun katba u Dippu Sangma yn long u Vice Captain.
La kynthup ia u Anish Charak bad Md Nafees Siddique ha ka kynhun jong ki 15 ngut ki nongialehkai da kaba mih bujli ha ka jaka jongu Ram Gurung bad Chengkam Sangma.
Ka kynhun ki nongialehkai ka Meghalaya na ka bynta ka Ranji Trophy 2024-25 ha ka jingiakhun kaba 5 & 6 ki kynthup ia u Aryan Borah, Akash Kumar Choudhary (C), Anish Charak, Arpit Bhatewara (WK), Bamanbha Shangpliang, Bijon Dey, Dippu Sangma (V-C), Jaskirat Singh Sachdeva, Kishan Lyngdoh, Roshan Warbah, Lerry G Sangma, Md Nafees Siddique, Ajay Duhan, Sumit Kumar bad u Anirudh B.
Ki nongialehkai kiba la pynap lypa ne ki Standby ki kynthup ia u Adarsh Joshi, Ram Gurung, Wanlambok Nongkhlaw, Shembhalang Pyngrope bad u Arien B Sangma. Katba ki Support staff ki kynthup ia u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad u Bah Dister Marbaniang (Manager).
