Shillong, Naiwieng 11 : Ka Central Recruitment Board (CRB) ka Tnad Meghalaya Police, kala pynbna ia ki tarik ban pynlong ia ka eksam Physical Efficiency Test (PET) ha ki kam Pulit bapher bapher ha Jylla.
Kala pyntip ruh sha baroh ki kyrtong ba ki admit card jong ka PET la dep ban thep ha ka website ka Meghalaya Police www.megpolice.gov.in.
Ia ka PET yn pynlong ha ki centre bapher bapher kat kum kine ki tarik harum-
1s Bn. MLP, Mawiong: Naduh 18th Naiwieng, 2024 haduh 17th Nohprah, 2024
4th Bn. MLP, Sohpian: Naduh 18th Naiwieng, 2024 haduh 22nd Naiwieng, 2024
3rd Bn. MLP, Sahbsein: Naduh 25th Naiwieng, 2024 haduh 30th Naiwieng, 2024
2nd Bn. MLP, Goeragre: Naduh 26th Naiwieng, 2024 haduh 17th Nohprah, 2024
5th Bn. MLP, Samanda: Naduh 5th Nohprah, 2024 haduh 11th Nohprah, 2024
U Chairman ka CRB Dalton P Marak, Inspector General of Police (IGP) ula pyntip ba ki kyrtong kiba thep palat ia kawei ka kam ha ki kyrdan bapher bapher kum ka AB group, UB group bad UBSI, kin hap ban iakhun ia ka PET ia baroh kine ki group tang shisien. Ula ong ba lada shem ia kino kino ki kyrtong kiba iakhun ia ka PET ha man ki group palat ia ka shisien, kin shah pynduh noh ia ka jinglong kyrtong thep kam.
La kyntu ruh ia ki kyrtong ba kim dei ban shah ialam bakla ha ki khana hamsaia lane ki jingtip bym pat pynshisah haba iadei bad ki tarik bad jaka ba pynlont ia ka PET.
