Shillong, Naiwieng 08: Ka Jammu and Kashmir kala donkam tang shi kynta ha ka sngi balai ban pynrem ia ka Meghalaya da 7 wiket ha ka Ranji Trophy Elite Group A kaba la long ha MCA Ground ha Polo hynne ka sngi Thohdieng.
Ka J&K hynnin ka sngi kala donkam ban kamai tang 75 run ban khur iaka jingjop bad kala kamai 16 run bad hap 1 wiket bad haba bteng biang ban tied hynne ka sngi, ka J&K kala hap tang 2 ngut ki nongtied ha u nongkawang bol ka Meghalaya u Akash Kumar Choudhary.
U Dippu Sangma ula ioh 1 wiket ha ka sngi palei.
U Auqib Nabi jong ka J&K ula ioh ia ka nam Player of the Match halor ka jingshim 10 wicket da ka jingtbit ban kawang sted iaka bol.
Kumban shu pynkynmaw, ka Meghalaya kala leit tied nyngkong bad kamai 73 run, katba ka J&K kala kamai 194 run, hadien kane ka Meghalaya kala leit tied biang bad kala kamai 195 run bad ka J&K kala donkam ban kamai tang 73 run ban jop ia ka jingiakhun.
Ka kynhun ialehkai ka Meghalaya kala mad ia ka jingshah rem 4 sien kynthih bad mynta kan leit sha Vadodara ban iakhun pyrshah ia ka Baroda naduh ka 13 tarik u Naiwieng.
