Shillong, Naiwieng 02: Ha ryngkat bad ka pyrthei hi baroh kawei, ki riewngeit Catholic ka nongbah Shillong hynne ka sngi Balang, kila rakhe iaka All Souls’ Day ne ka sngi ban kynmaw burom ia kiba la khlad noh da kaba leit buh syntiew bad buh jingduwai kyrpang ha u lum jingtep ka Balang Catholic kaba don ha Laitumkhrah.
Ki riewngeit Catholic ha kane ka sngi kila leit sha Lum Jingtep ban buh syntiew kum ka dak jong ka jingkynmaw ieid iala ki baieid bathoin kiba la khlad noh.
Ka All Souls’ Day, kadei ka sngi ban kynmaw burom bad ban buh jingduwai na ka bynta kito baroh kiba la khlad noh.
Kum ka dak jobg ka jingkynmaw ieid, ki bahaiing bahasem bad ki paralok parajor kila leit buh jingduwai, buh syntiew ia kiba la pynkhreh kyrpang bad ka thang ia u mombati ban pynitynnad ia u lum jingtep jongki baieid bathoin.
Ha kane ka sngi kala don ruh ka jingleh iaka Mass kaba kyrpang ha lum jingtep.
