Shillong Kyllalyngkot 26: Ka jingrakhe iaka Republic Day ha ka jylla kala long kaba iaid beit bad kaba jop da ka jingiashimbynta shitrhem jong kiba bun ki ophis treikam bad ki jaka pule kiba don ha ka nongbah Shillong kila pynher ia ka lama jongka ri.
Ha ka jingrakhe ia ka Republic Day ha ka High Court jongka Meghalaya, u Acting Chief Justice u Bah HS Thangkhiew ula pynher ia ka lama jong ka ri India ha kaba la iadonlang ki nongiasaid aiñ bad kiwei kiwei, katba ha ka jingrakhe jong ki shipai Border Security Force, u IG ka BSF Meghalaya u Sh Harbax Singh Dhillon ula pynher ia ka lama jong ka ri.
Nalor kane, la rakhe ruh iaka Republic Day ha ka ophis jong ka North Eastern Council (NEC) ha kaba u Secretary ka NEC u K. Moses Chalai ula pynher ia ka lama jong ka ri India, katba ha ka jaka pule jong ka Martin Luther ChristianUniversity ia ka lama jong ka ri la pynher da ka Vice Cahncellor, Prof TK Bamon ia kaba la iashimbynta lang da ki nonghikai bad ki samla pule jong kane ka skulbah.
Bun ki ophis jong ka Sorkar Jylla bad ki ophis jongka Sorkar Pdeng kiba don ha ka nongbah Shillong bad ha kylleng ki bynta jong ka Meghalaya kila pynlong iaka jingrakhe iaka Republic Day kaba 75 bad kila pynher ia ka lama jong ka ri bad ka pynlong ia ki prokram ki bapher.
