Shillong, Nailur 05: Ka District School Education Officer, West Jaintia Hills, hynne ka sngi Baar kala rakhe iaka Teachers Day da kaba pynlong ia ka prokram ha District Library Auditorium, Mynthong, Jowai, ha kaba uSymbud Myntri Rangbah ka jylla u Bah Sniawbhalang Dhar ula long u kongsan ha ryngkat ka jingdonlang u MLA u Bah Wailadmiki Shylla kum u symbud kongsan, u Deputy Commissioner u Bah B.S. Sohliya, u Superintendent of Police Bah C. Syrti bad kiwei kiwei.
U Bah Sniawbhalang Dhar ula iaroh ia ki nonghikai kiba la trei met bad mynsiem bad noh ia u synniang ha kaban tei ia ka lawei jong ki khynnah bad wat hapdeng jong ka jingmad ki nonghikai iaka jingeh da kaba ioh iaka tulop kaba rit hynrei kila iai bteng ban ai ka jingshakri bad ban pynanng pynstad bad saindur ia ki khynnah.
Ula kyntu ia ki khynnah skul ba kidei ban iai bteng ban pule, ban long kiba tista bad minot thop bad ban don iaka jingangnud kaba heh ha ka jingim ka jongki.
Ula ai khublei ruh ia ki nonghikai kiba la ioh iaka khusnam District Award halor kaj ingtrei shitom ka jongki bad ula kyntu ia ki ba kin iai bteng ban shakri ia ka imlang sahlang bad ula aiti ruh iaki da ki Momento bad ki certificate.
Ha ka secondary level, ia ka District Award la ioh da u Bah Wanhok Lamar, Vice Principal jongka QC Springside High School, ha ka Upper Primary Level la ioh da u Bah Ohiwot Laloo, Assistant Teacher jongka Government Girls’ Higher Secondary School, Jowai, ha ka Primary Level la ioh da u Bah Hilarious Manner, Head Teacher jongka Umladkhur Government LP School, Khonglah.
Ia ka khusnam Best Scout Master la ioh da u Bah Jonas K. Pala jongka Tome Memorial Scout Troop/Sec. School, Mooralong, Jowai bad ia ka Best Guide Captain la ioh da ka Dolly Lamare jongka Little Angels Guide Company/Sec. School, Moosalyngkat, Jowai.
La pyniphuh iphieng ia kane ka jingrakhe da ki jingrwai, jingshad na ki khynnah skulk um ka dak ban pynpaw ia ka jingsngewnguh ia ka jingtrei shitom met bad mynsiem jong ki nonghikai.
Pule ruh: Pynbor ka HNLC ia ka Sorkar ban pyndam noh ia baroh ki case pyrshah ia ki Nongialam
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
