Shillong, Naiwieng 25: Ka Balang Catholic hynne ka sngi U Blei kala pynlong ia ka Eucharistic Procession ba shisien shisnem ha madan Don Bosco School kum shi bynta jong ka jingrakhe Golden Jubilee ka Tura Diocese.
Ha kane Eucharistic Procession la lamkhmat da u Most Rev. Andrew R. Marak, Bishop jong ka Tura haka jingdon lang Most Rev. Jose Chirackal Auxiliary Bishop ka Tura, ki nongialam niam bad daki spah ngut ki riewngeit.
Ka program kala sdang naduh ka por 10 baje mynstep na Don Bosco School haka ba u Bishop Andrew ula ialam iaka jingduwai bad ka jingkyrkhu nalor ka jingpule ia ka Ktien U Blei bad ki Jingrwai ainguh.
Iaka jingiaid Procession la sdang haka por 12 baje na Don Bosco School bad la iaid lyngba St. Xavier’s School sha Chandmary bad la wanphai biang sha Madan Skul naka bynta ban pynlong jingduwai.
Iaka Eucharistic Procession la pynlong naka daki riewngeit Christian jong ka Balang Catholic Church haka ba ki paidbah riewngeit kila wan shim bynta ban sakhi iaka Sacrament kaba long ka met bad ka snam u Jesus Christ.
