spot_img

Rakhe ka MLSA ia ka lyngkhuh 10 snem

Date:

Share post:

Shillong, Jylliew 30: Ka Mylliem Lum Sports Association ka la rakhe ia ka lyngkhuh 10 snem jong ka ha ka 29 tarik Jylliew, 2022 ha Mawkhar Mylliem. Ka jingplie pyrda ia kane ka lyngkhuh la wan ban sakhi da u MLA ka thain u ba long ruh u myntri sorkar, u Bah Hamletson Dohling kum u kongsan.

Haba ai jingkren ha kane ka sngi, u kongsan u la ai ka jingiaroh ia ka Association ha kaba ka la leh bun ki kam na ka bynta ka imlang ka sahlang bad khamtam ha kaban kyntiew ia ki samla ka thain ha ka liang ki jingialehkai.

U bah Dohling u la ong “Kum uwei na ki nongseng ia ka Mylliem Lum Sports Association ha u snem 2012, nga dap da ka mynsiem kaba sngewkmen ban iohi ba ka Association kala kot pat sha une u mawmer, ka jingdap 10 snem, kumba nga la ju iaidon ngan dang iaidon ryngkat bad ka Association ha kaban kyntiew ym tang ia ki kam jingialehkai hynrei wat ha ka pule puthi, ka rep ka riang bad ha kino kino ki kam kaban wanrah ia ka roi ka por hapoh ki shnong ki thaw bad ha ka thain hi baroh kawei.”

U bah Dohling u la ai ruh ka jingkhublei kitbok kitrwiang ia ka Association ba kan dang lah ban pyntyllun ia ki kam kiba bha jongka kumjuh ruh ba kan dang lah ban iai theh ia u synniang ha ka thain hi baroh kawei.

Ha kane ka sngi la iadon lang ruh ki riew rangbah, ki longkmie bad ki samla ka thain kumjuh ruh ki nongkitkam kiba rim bad kiba mynta jong ka Association.

Share post:

spot_img
spot_img

Popular

More like this
Related

Ther u Dr Mukul ia ka Sorkar Pdeng bad Sorkar Jylla ba ym lah pynbeit ia ka kynrum kynram NEHU

Shillong, Jymmang 23: U Nongialam ka Liang Pyrshah Dr....

Iap u suba nongdih droks ha painkhana ka petrol pump

Shillong, Jymmang 23 : Uwei u briew ba hapdeng...

Phah tuklar mardor ka JNC halor ka jingjyllei u drok | Ioh bat nongdih droks na EJH

Shillong, Jymmang 23: Ka Jaiñtia National Council (JNC) Khliehriat...

Byrngem iakhih u Dr Mukul ba thmu ai pyniaid ka Sorkar iaka Tura Medical College sha ki shimet

Shillong, Jymmang 23 : U Nongialam ka Liang Pyrshah...