Shillong, Lber 22: Ka tnat Public Health Engineering (PHE) ka Sorkar Jylla hynne ka sngi kala rakhe iaka World Water Day 2024 ha U Soso Tham Auditorium, Shillong.
Ka phang pdeng jong ka World Water Day mynta u snem ka long ‘Ka um naka bynta ka shong suk shong shngain’.
Ha kane ka sngi la don lang u Bah D.P Wahlang u Chief Secretary ula long kum u kongsan haka jingdon lang u Dr. Shakil P. Ahammed, Additional Chief Secretary, u Syed Md. A. Razi, Commissioner & Secretary, PHED ka Kong B.M Lyndem, Chief Engineer, PHED Meghalaya, Shillong.
Haba kren ha kane ka sngi u Bah D. P Wahlang ula ban jur iaka jingdonkam ka um haka jingim briew bad ka bynta jong ka ban wanrah ia ka jingsuk bad ka roi ka par.
Haba kren halor ka phangpdeng ‘Ka um naka bynta ka shong suk shong shngain’, u Bah DP Wahlang ula kyntu iaki paidbah ban ithuh iaka jingdonkam ban pynneh pynsah iaka shong suk shong shngain.
U Bah DP wahlang ula kren ruh halor ka bynta ka skhim Jal Jeevan Mission ban pynioh ia ka umbam umdih kaba khuid ia baroh.
Ula ong baka Jal Jeevan Mission kadei ka thong jong ka Sorkar ban weng iaki jingeh baki paidbah ki shem haba iadei bad ka jingioh ka um bam. Ka JJM kan pynthikna ba ki nong shong shnong ki ioh ka um bam um dih kaba khuid bad ba shngain.
Ha kane ka sngi u CS ula sam ruh iaki khusnam sha ki nongjop jong ki jingiakop bala pynlong kum ka dak ban rakhe iaka World Water Day Celebration.
 ka Sorkar Jylla hynne ka sngi kala rakhe iaka World Water Day 2024 ha U Soso Tham Auditorium, Shillong.){kind=link}