Shillong, Nairung 27: Ka Dr. APJ Abdul Kalam Foundation of Meghalaya kala rakhe ia ka sngi kynmaw burom ba 10 ia u nongshna namding, Dr APJ Abdul Kalam, da kaba pynlong ia ka seminar bad ka jingpynkup burom ha U Soso Tham Auditorium ha Shillong mynta ka sngi u Blei.
U Commissioner and Secretary u BDR Tiwari u la shim ia ka bynta kum u kongsan ia kaba la synran lang da u Munish Singh, uba dei u ka Director of Art and Culture, NE Zone, kum u symbud kongsan.
Ha kane ka jingialang la plie lyngba ki jingrwai pdiang sngewbha da ki dkhot ka Dr. APJ Abdul Kalam Foundation bud pat sa da ka jingtbeh ia ka sharak bad ka jingkren pdiang sngewbha da u Falguni Chakraborty, uba dei u State President bad ka jingrwai ieit ri.
Ha kane ka sngi la pyllait paidbah ruh iaka kot ba la ai kyrteng kum ka “My Encounter with the Missile Man of India” ia kaba la thoh da u Dr AM Kharbamon.
Ia ka khusnam Dr APJ Abdul Kalam Awards la ai sha ka Padmashree kong Silbi Passah, u Dr Adorable Kharbamon, ka Kalpana Roy bad ka Manisha Sharma.
Ka scholarship kaba 2 hajar la sam sha ki khynnah ba pass bha, ryngkat ki khusnam sha ki nongjop ha ki jingiakop Art, Model, Craft, Quiz, bad Essay kiba la pynlong ha u bnai ba la dep.
Ki nongthoh kot ne ki myllung na Shillong kiba la ia shim bynta ha kane ka poet’s meet,kila ai burom ia ka jingnoh synniang ong u Dr Kalam.
