spot_img

Rakhe ka Holy Cross Health Centre iaka Jubili Rupa

Date:

Share post:

Mairang, Risaw 08: Ka Holy Cross Health Centre, Mairang hynne ka sngi, kala rakhe ia jingdap 25 snem ne ka Jubili Rupa da kaba pynlong iaka prokram kaba shongkun.

U Myntri ka tnat ka Koit ka Khiah ka jylla u James P. K Sangma kum u kongsan haba ai jingkren ula ai khublei ia ki bor pyniaid jong ka Holy Cross Health Centre, Mairang halor ka jinglah ka jong ki ban ai jingshakri ia u paidbah mynta 25 snem kynthih bad ha ka jingiaid lynti ban ai jingsumar ia ki nongpang, kala mad ia kiba bun ki jngeh hynrei kala iai bteng ban ai jingshakri ia ki paidbah ka thaiñ.

U la ong, ruh ba ka jingdon jong ka Holy Cross Health Centre ka long ka sakhi ia ka jingtrei shitom bad jinglen lade jong ki bor pyniaid jong kane ka jaka sumar nongpang.

U James Sangma ula pynpaw ia ka jingkyrmen ban iohi iaka jingiatreilang bad kiwei pat ki kynhun ha ki por ban wan, kum shibynta ban pyniar ha kaban ai jingshakri ia ki paid nongshong shnong lyngba ka tnat ka koit ka khiah.

Ha katei ka jingialang la don ryngkat lang u Principal Secretary ka tnat ka koit ka khiah ka u Sampath Kumar, u MDC ka thaiñ u Bah Batskhem Ryntathiang, u Archbishop ka Shillong, u Archbishop Victor Lyngdoh, u Deputy Commissioner ka Eastern West Khasi Hills District, u Bah Wilfred Nongsiej, ki doktor, ki ophisar sorkar, ki nongialam shnong ka thaiñ bad kiwei kiwei.

La pynphuh pynphieng ia kane ka jiingrakhe da ki jingshad bad jingrwai na ki nongtrei jong ka Holy Cross Health Centre bad ha kane ka sngi la ioh ruh ban pynkup burom ia ki katto katne ki nongtrei jong kane ka jaka ai jingsumar.

Share post:

spot_img
spot_img

Popular

More like this
Related

Garo Hills Shooters shine at 10th Meghalaya State Shooting Championship 2025

  Shillong, July 22: The 10th Meghalaya State Shooting Championship...

Shooting Championship 2025 | Paw bha ki kynhun ialehkai na Ri-lum Garo

Shillong, Naitung 22: Ka jingiakop siat suloi 10th Meghalaya...

Tripura | Pynbna u CM ban pyntreikam noh ia ka CAA 2014 ban ithuh nongshongshnong ia ki phetwit

Agartala, Naitung 22: U Myntri Rangbah ka Tripura Manik...

Kurup ka ED ia ki nongkynti ba kot T20.28 klur ha ka jyrsieh ai degree thok ka CMJ University

Shillong, Naitung 21 : Ka Directorate of Enforcement (ED),...