Shillong, June 13: Ka Deputy Director ka tnat Health Services (Malaria) cum State Programme officer (NCVBDC) kala pyntip ba ia u bnai Jylliew la rakhe kum u ‘Anti Malaria Month’ lane u bnai ban iakhun pyrshah iaka jingpang khieshoh namar udei u bnai ba sdang ka aiom slap bad u bnai ba sdang khie ka jingpang khieshoh.
Ka thong jong ka jong ka jingrakhe ‘Anti Malaria Month’ ka dei eh ha ka ban pynsngewthuh ia ki paidbah ha ryngkat ka jingiatreilang bad ki paidbah naka bynta ban iakhun pyrshah iaka jingpang khiesshoh.
Ha baroh kawei ka Ri, iaka ‘World Malaria Day’ la ju rakhe haka 25 tarik Iaiong manla u snem.
Ka tnat ka koit ka khiah ka ju pynlong ia bun jait ki prokram ialap paidbah halor ka jingpang bad kumno ban iada na kane ka jingpang.
Ia ki jingialap paidbah la pynlong naka bynta ban pynthikna baka Ri bad ka Jylla Meghalaya kan lah ban ratdkhong iaka jingpang khieshoh hapoh u snem 2030.
Ka Meghalaya kala lah ban pynduna iaka jingdon kiba ioh pang khieshoh hynrei ha u snem 2023 kala don biang ka jingbun kiba khlad na kane ka jingpang bad ka South Garo Hills district ka dei kaba bun eh ha ka jingdon kiba khlad na ka jingpang.
Naka bynta ban pynduna ia ka jingdon kiba ioh pang khieshoh, ka Sorkar kala sdang ka jingeksamin paidbah ha baroh ki shnong haka jingiatreilang bad ki ASHAs, ANMs bad ki bor shnong.
Ki nongtrei ASHA kila ioh ka jinghikai pyntbit ban lum snam, ki tiar ban leh Rapid Diagnostic Tests ban leit sha ki shnong naka bynta ban eksamin iaki paidbah.
Ban pynsngewthuh paidbah iaki lad jingiada naka jingpang khieshoh, ka tnat ka koit ka khiah kan pynlong ia ki prokram ialap paidbah haki skul, haki shnong haka jingiatreilang bad ki Village Health Councils, NGOs, ki nongialam niam bad kiwei kiwei.
 cum State Programme officer (NCVBDC) kala pyntip ba ia u bnai Jylliew la rakhe kum u ‘Anti Malaria Month’ lane u bnai ban iakhun pyrshah iaka jingpang khieshoh namar udei u bnai ba sdang ka aiom slap bad u bnai ba sdang khie ka jingpang khieshoh.){kind=link}