Shillong, Lber 07: Ki shipai iada khappud Border Security Force (BSF) Meghalaya hynne ka sngi kila rakhe iaka sngi burom ia ki kynthei lane ka ‘International Women’s day’ bad ka phang pdeng ha kane ka sngi kadei ‘Embrace Equity’.
Ha kane ka sngi rakhe sngi burom ia ki kynthei lane ka ‘International Women’s day’, ki shipau BSF ha ryngkat bad ka seng ‘BSF Wives Welfare Association’ (BWWA) Meghalaya kila pynlong bun jait ki prokram kum ki jingialehkai, quiz competition, Band display bad kiwei kiwei de.
Ha kane ka sngi la hikai ruh iaki kynthei halor ka jinglah ki kynthei ban wanrah iaka bha ka miat ha ka imlang sahlang bad ka pyrthei baroh kawei bad kumjuh ruh la hikai kumno ki kynthei ki don iaka bor ban wanrah jingbha ia baroh hapoh kane ka pyrthei.
Naka liang ka President jong ka BWWA Meghalaya kala kren halor ki kam bah ba ki kynthei ki lah ban leh naka bynta ban wanrah ka jingbha hapoh ka imlang sahlang bad kala kyntu ruh iaki ban long kiba shlur ban ieng hala ki jong ki kjat.
Ia kane ka sngi burom ki kynthei lane ka ‘International Women’s day’ la pynlong hapoh ka Holly Cross Higher Secondary School Umkiang da ki shipai BSG 172 Bn Meghalaya bad ha kane ka sngi la pyni ruh iaki tiar ialeh naka bynta ki khynnah skul ki ba wan shim bynta ha kane ka sngi.
