Shillong, Iaiong 23: Ka tnat Pule Geology jong ka St Anthony’s College Shillong haka jingiatreilang bad ka Directorate of Mineral Resources kala pynlong iaka prokram kum shi bynta ban rakhe iaka Earth Day.
Ia kane ka Prokram la pynlong hapoh ka College haka jingdonlang ka myntri ka that ka koit ka khiah ka Dr. M Ampareen Lyngdoh.
Ka phang pdeng jong kane Prokram kadei ‘Invest in our Planet’ bad ha kane ka sngi la pynlong shibun ki Prokram lyngba ka pule puthi haka jingiashim bynta ki tnat ba kynthup ka GSI, AMD, NESAC, ZSI, BSI, NEHU (Environmental Science) bad MPBSC.
Ha kane ka sngi la sam khusnam ruh iaki nongjop sha ki samla pule kiba wan shim bynta ha ki jingiakop ba kynthup ka essay, painting, model making bad photography iaka ba la pynlong haka 4 tarik mynta u bnai.
