Agartala, Rymphang 25: Ka Liang Pyrshah TIPRA Motha hynne ka sngi kala pynbna daka jingpakhang surok kaba 8 kynta bad ka jingshah thngan naduh ka 28 tarik mynta u bnai haba iadei bad ka jingpynslem ka Sorkar Pdeng ban leh eiei halor ka hok jong ki paid riewlum ka Jylla.
Ia kane la pynbna da u President ka Party Bijoy Kumar Hrangkhawl haba kren sha ki lad pathai khubor hadien ka jingialang jong ka central working committee, ki nongialam ka district bad kiwei kiwei de.
U Hrangkhawl u ba dei duh u MLA barim u la ong ba ka jingiakhih ka dei kan sdang naduh 28 tarik ha kaba u Pradyot Kishore Debbarma kem bad kiwei ki nongmih khmat kin shim bynta ban shah thngan.
Haba pynpaw ka jingbym bun iaka jingdawa, u Hrangkhawl ula ong ba ka jingpynslem ka Sorkar Pdeng ban eksamin iaka jingdawa ka long ka jingiuh roit iaka jingdawa ka ki riewlum ka Jylla.
U Hrangkhawl u pynrem ruh iaka Sorkar baka BJP kala pyntroin iaka party bad ula ban jur ba iaka jingiakhih shah thngan yn nang pynkhlain shuh shuh namar ka jingdawa kadei kadei kaba shong nongrim.
Ula ong baka Party kan nang pynkynmaw iaka Sorkar Jylla haba iadei bad ka jingdawa ban iakren bad ka Sorkar Pdeng.
Nalor kane la ioh khubor ba ki nongialam ka TIPRA Motha naduh u Pradyot Kishore kila byrnngem ban pynlong daka jingiakhih daka ba shah bad kila shah khot sha Delhi ban iakren bad ki nongialam ka BJP na Delhi.
