Shillong, K’Lyngkot 07: Ki nongtrei ASHA hapoh ka shatri Meghalaya ASHA Workers’ Union (MAWU) ha ka sngi Balang, kila pynbna ban sangeh treikam noh naduh 8 tarik Kyllalyngkot 2026.
Ia kane la pynbna daka Adviser ka MAWU Kong Sonny Kharjana haba iathuh ba ia kane ka rai la shim haka jingialang jong ka Executive Committee kaba la long haka 11 tarik Nohprah 2025.
Haba kren shaki lad pathai khubor, ka Kong Sonny kala iathuh ba ka daw ba ki nongtrei ASHA kin sangeh treikam kadei namar ka jingbym pyllait ka Sorkar Pdeng iaki jingsiew ki ba ai mynsiem ban treikam (Incentives) jong ki palat 7000 ngut ki nongtrei ASHA ha Meghalaya.
Ka Kong Sonny kala iathuh ba naka liang ka MAWU kala dep ban ai por iaka Sorkar Jylla haduh 19 tarik Nohprah 2025 ban iakren bad ka Sorkar Pdeng halor ka jingslem ba kan pyllait iaka iaki jingsiew ki ban ai mynsiem ban treikam (Incentives).
Kala iathuh “Katto katne ki District bad ki PHC, CHC, ki ASHA kim pat ioh satia ia kine ki jingsiew kaba la iaid haduh 5-10 bnai. Ki ASHA ki ju ioh tang T.150-T.200 ka jingsiew tam”.
Ka National Health Mission (NHM) ka dei ka daw halor ka jingslem kine kiei kiei baroh, da kaba pyn kynriah ia ka rukom siew na ka ASHA App sha kawei pat ka rynsan. Hynrei, ka Union kam pat thikna bha ia ki daw ba shisha.
Katba ka Sorkar Jylla ka siew ia ka honorarium, ka jingsiew incentives jong ka Sorkar Pdeng kala sahkut sah, kala ong.
“Kum ki nongialam ka MAWU ngi pynbna ba naduh 8 tarik Kyllalyngkot 2026 baroh ki nongtrei ASHA ha Jylla kin sangeh treikam tad haduh baka Sorkar Pdeng kan pyllait ia ki Incentives jong baroh ki ASHA” ong ka Kong Sonny.
 ha ka sngi Ba-ar, kila pynbna ban sangeh treikam noh naduh 8 tarik Kyllalyngkot 2026.){kind=link}