Shillong, Lber 27 : Ka Iingkashari Special Judge (POCSO) ka East Khasi Hills, kala rai pynrem ia ki arngut ki riew bymman kiba donkti ban leh beijot ia ki Khynnah kynthei hapoh ka District.
Kine ki arngut ki kyrteng u Maitshaphrang Kharmawlong bad u Demonstar Kharbani, kiba la shah kem halor ka jingthombor ia ka long rynieng ki Khynnah kynthei hala ki jong ki shnong.
U Maitshaphrang Kharmawlong, uba la shah kem hapoh ki Pulit ka Rynjah Police Station, Shillong, ula ngat ha ka jingpynshitom da kaba shong along haduh 12 snem kynthih kat kum ka jingpynsajia hapoh ka kyndon 6 jong ka POCSO Act nalor ka jingsiew ia ka kuna ba T.10,000 lem kumta un hap ban shong along sa 2 bnai lada ym lah siew.
Nalor kane, une u riew bymman ula ngat ruh ha ka jingpynsajia ba 3 snem ha phatok bad ka kuna ba T.5000 ne shong phatok 1 bnai halor ka kyndon 506 IPC.
Ia kane ka case la tohkit da u Bah Raymond Kurkalang uba bat mynta kum u Officer Incharge ka Mawngap Police Station.
Ha kawei pat ka jingjia, ka Iingkashari kala hukum ban set along 3 snem bad ka kuna ba T.3000 ne shong along shibnai ia u Demonstar Kharbani uba shah kem halor ka case jong ki Pulit ka Rynjah Police Station bala pynngat hapoh ka kyndon 8 jong ka POCSO Act.
Ia kane ka case la tohkit da ka Women Police Inspector Lily D Sangma kaba bat mynta kum ka 2nd O/C ka Sadar Police Station.
 ka East Khasi Hills, kala rai pynrem ia ki arngut ki riew bymman kiba donkti ban leh beijot ia ki Khynnah kynthei hapoh ka District.){kind=link}