Shillong, Rymphang 27: U Symbud Myntri Rangbah ba khmih iaka tnat kam pohiing (Police) u Bah Prestone Tynsong u la kubur iaki jingsngewkhia haba iadei bad ka jingshngain ha surok, haba pynpaw ba ka Sorkar ka angnud ban pynim biang ia ka jingtreikam ka State Road Safety Board kat kum ka Motor Vehicle Act, ban tehlakam ia ki jingjia aksiden.
Haba jubab ia ka cut motion, u Bah Prestone u la ong, “Ngi la iohi iaka jinglong jingman ha surok bad ki jingsngewkhia ki don…jan man la ka sngi ki jingjia aksident ki jia ha ka jylla.”
U Bah Prestone u la pynshong nongrim ba ki don bun ki daw ba jia aksiden bad u la ban jur iaka jingdonkam ban don ka jingiatreilang hapdeng ki Tnad ba don bynta ha kane ka kam.
“Ngin sa bishar bniah biang ban pynim ia ka jingtreikam jong kane ka Board… shisien ba la bishar bniah biang, ngin sa lah ban pynduna ia ki jingjia aksident” la ong u Bah Prestone da kaba pynpaw ba ula shimkhia iaki jingai jingmut ki dkhot ka Iingdorbar.
Haba iadei bad ka jingdheng kali, u Bah Prestone u la ong ba ki jingeh jong ka nongbah Shillong ka dei kaba lah slem bad kiba pur shaduh ki nongbah jong ki district.
“Ngi kwah ba ki pulit kin pynkhlain ne thaw shuh shuh ia ki tnat Traffic ban pynbeit ia ka leit ka wan bad ban weng iaka jingdheng kali” ula ong.
U Bah Prestone u la ban jur ia ka jingdonkam ban pynshitom daka ba dain kuna iaki ba pynkhien iaka ain niah kali.
“Nga hi nga sngew ba ka jingpynshitom ka dei ban long kaba kongsan… ngi donkam ban pynbor iaki nongniah kali ban bud ia ki ain niah kali”.
U la kyrpad ia ka jingiatreilang jong ki paidbah, da kaba ong, “Ki nongniah kali ki dei ban shim ia ka jingkitkhlieh baroh kawei ban pynthikna ba ki jingjia ba sngewsih naka jingjia aksident kan nym jia.”
 u Bah Prestone Tynsong u la kubur iaki jingsngewkhia haba iadei bad ka jingshngain ha surok, haba pynpaw ba ka Sorkar ka angnud ban pynim biang ia ka jingtreikam ka State Road Safety Board kat kum ka Motor Vehicle Act, ban tehlakam ia ki jingjia aksiden.){kind=link}