Tura, Risaw 12 : U Chief Executive Member (CEM) barim ka GHADC Alphonse A Sangma ula rai ban pyniasoh noh sha ka National People’s Party (NPP) ha ka taiew ban wan.
Ia une u Nongmihkhmat paidbah na Siju Constituency, un pdiang burom da u National President bad Myntri Rangbah ka Jylla Conrad Kongkal Sangma ha ka jingialang ban long ha Siju.
U Alphonse uba la long CEM arsien na ka Congress ha GHADC, ula mihkhat ia ka Siju MDC Constitituency la jan arphew snem bad shakri ruh kum u Executive Member ka Land & Revenue bad ruh ia ka kam Chairman ka GHADC. Ula ju ieng skhem ha ka nongrim ban wanrah ia shibun ki kam pynroi ha Siju khamtam ba ka dei ka jaka kaba khring bha ia ki nongshang kai pyrthei.
Ka rai jong ka Sorkar MDA ba ialam da ka NPP ban pynkha ia ka C&RD Block ha Siju ka paw lehse ba ka dei ka daw kaba pynlong ia kine ki riew sain pyrthei ban kyrshan noh ia ka party kaba ialam da u Conrad K Sangma.
Ka jingwan rung jong u Alphonse Sangma sha ka NPP kan ktah jur ia ka Congress ha ka thain Siju, kaba dei ka jaka b aka Congress kala bat da ki phew snem.
