Rai ki Nongniah Kali petrol/diesel ban sangeh pynpoi umphniang sha RI-lum Khasi bad Jaintia

Date:

Share post:

‘Bym sngewshngain na ka jingjia ha Mukroh’

Shillong, Naiwieng 24 : Ki Nongniah kali kit petrol/diesel kiba don hapoh ka shatei jong ka Assam Petroleum Mazdoor Union, kila rai ban sangeh ia ka jingpynpoi umphniang sha Ri-lum Khasi bad Jaintia namar ka jingbym sngewshngain ioh jia kano kano ka jingjia ia ki namar ka jingjia ha Mukroh, West Jaintia Hills.

Kat kum ka shithi bala phah da ka Mazdoor Union sha u Sr Depot Manager ka HPCL, Depot, Betkuchi, Guwahati, la pyntip ba ka Union kala rai ban nym kit umphniang petrol/diesel sha Ri-Bhoi, Khasi bad Jaintia Hills namar ka jingjia ha Mukroh.

Ka Union kala pyntip ba baroh ki dkhot (nongniah bad nongbud kali tanker) kila sheptieng ban leit sha kine ki jaka namar ka jingbym long shngain na ka huri hura kaba mih.

Ka Mazdoor Union kala phah ia kane ka shithi hynnin ka sngi Balang haba pyntip ba kane ka jingsangeh kit umphniang kala sdang naduh hynnin hi ka sngi Balang.

Ka Union kala ong ba kane ka jingsangeh pynpoi umphniang kan treikam katba ka Sorkar Meghalaya kam pat kular ia ngi ban pynthikna ia ka jingshngain jong ki T/T crews (nongniah bad nongbud kali tanker) haba ong ruh ba lada jia kano kano ka jingjia, ka Sorkar Meghalaya ka dei ban shim ia ka jingbahkhlieh.

Share post:

spot_img

Popular

More like this
Related

Army Brigadier accused of sexual harassment, intimidation by junior officer’s wife in Shillong

Shillong, March 14: A senior rank Indian Army officer...

Meghalaya govt to consult all stakeholders on Investment Promotion Act rules

Shillong, March 14: The state government has assured to...

Tehlakam ka Sorkar ia ka shongsuk shongsain ha Jylla

Shillong, Lber 14: U Myntri Rangbah ka Jylla u...

Shah ujor u heh ophisar Army ba leh khlem akor ia ka kurim u Colonel

Shillong, Lber 14: Uwei u heh ophisar shipai jongka...