Shillong, Naitung 05: U Nongialam ka United Democratic Party (UDP) bad Myntri Sorkar Bah Paul Lyngdoh ha ka sngi Palei ula pyntip ba ka UDP kala rai ba kan ym weng noh ialade na ka sorkar synrop Meghalaya Democratic Alliance (MDA) kaba la ialam da ka seng National People’s Party (NPP).
Ia katei ka rai la shim dang shen haka jingialang jong ka seng UDP ban shong bishar ia ka jinglong jingman bad ka jingtreikam jong ka kynhun Regional Democratic Alliance (RDA) ha ka elekshon MP Lok Sabha kaba dang shu dep.
“Ngi lah iakhmih bad iatai sani halor kiba bun ki mat halor ka jingbym lah ban lehbha ka RDA bad kumta kila don ki jingpynsngew kiba long pyrshah ba ngin dang donlang haka sorkar synroplang jong ka MDA hynrei ka sur kaba la mih khambun hi kadei ba ngi dang dei ban neh beit haka sorkar MDA bad kumta katei ka jingpyrshah kala jai jai noh halor kawei ka nongrim ba ym lah ban shim ba ka elekshon Lok Sabha kadei ka jingpyrshah ia ka rukom treikam jong ka MDA, kaba dang shu dep dap shi snem ha ka jingtreikam ka jongka” ong u Bah Paul Lyngdoh haba iakren bad ki nongthoh khubor.
U Working President ka UDP ula ong ba kadei ka sur jong uba bun balang uba kwah ban dang donlang ha ka sorkar MDA.
“Kadei ka sur jong uba bun balang lem kumta kan sa don beit ka jingshim rai na ka bynta ban ia iaid noh ha la ka jong ka lynti, ia kaba kam shym la jia eiei. Hynrei kala don pat ka jingpynpaw iaka jingbym lah ban lehbha ka seng bad ia kiwei kiwei ki daw kaba lam sha katei ka jingbym lah ban lehbha ha kaba ka VPP kala ioh ban lehkmen” ong u Bah Paul.
U Bah Paul Lyngdoh ula ong “Kam dei tang ka UDP kaba la rem ha baroh 12 tylli ki Seat, baroh ki seng saiñ pyrthei kila rem ha man la ki 36 tylli ki constituency, ha kaba ka VPP kala lah ban wan nyngkong ha ki 34 tylli ki Constituency. Kumta kala sar naphang ha ka elekshon, hynrei nga kwah pat ban pynpaw ba kawei ka elekshon ka iapher pat na kiwei pat ki elekshon. Ha kaba kut jong ka elekshon MDC phin sa iohi iaka result kaba kham pher hynrei ngi pdiang pat ia ka jingshisha ba ngi don ia ka party kaba dang shu rung thymmai kaba dei ka VPP bad kane ka pynlong ia ngi ba gin phai biang sha kaei kaba la dep bad ban pynbeit ia kaei kaba ngi sngew ba kadei kaba ngi la kum let klet”.
Halor ka jingkam ka VPP ba kan mih bujli noh ha ka jaka jong baroh ki seng riewlum ha ka jylla Meghalaya, u Nongialam ka UDP ula ong, “Mano mano ruh ki lah ban kam ha ka kam politik bad wat ki kyrtong ki bym shym la ioh iaka Security ha ka por elekshon kin kam beit ialade ba kin jop ia ka elekshon.
 bad Myntri Sorkar Bah Paul Lyngdoh ha ka sngi Palei ula pyntip ba ka UDP kala rai ba kan ym weng noh ialade na ka sorkar synrop Meghalaya Democratic Alliance (MDA) kaba la ialam da ka seng National People’s Party (NPP).){kind=link}