Shillong, Naitung 05: U President ka HSPDP Bah KP Pangniang ula kyntait ba ka don ka jingthmu jong ka party ban mih noh na ka Regional Democratic Alliance (RDA).
“Ia mynta hi, ngim pat don kano kano ka jingthmu ban mih na ka RDA” ong u Bah Pangniang haba iakren lyngba ka phone.
Ula kynthoh ia kane halor ka jingkren u Working President ka UDP Bah Paul Lyngdoh ba ong ba ka HSPDP kala pynpaw ia ka jingbym kwah shuh ban dang bteng ha kaban long paralok hapoh ka RDA.
U Bah Pangniang ula pyntip ba shen kan sa don ka jingialang jong ka RDA ban iakren ia ki mat bapher bapher.
.){kind=link}