Shillong, Lber 07 : Ka Sorkar Jylla kala rai ban nym thungkam shuh ia ki Nonghikai ha ki skul SSA ki bym don khynnah.
Haba pyntip ia kane hynne ka sngi Palei, u Myntri ka tnad Pule Puthi Rakkam A Sangma ula iathuh ba ki don bun tylli ki skul SSA ki bym don khynnah skul satia.
“Kumta ka Sorkar kala rai ba kan nym thungkam shuh ia ki nonghikai ha ka SSA programme ha ki skul bym don khynnah” ulaong.
Kane ka jingkren jong u kala mih hadien ba ka Meghalaya SSA Schools Association (MSSASA) dang shen, kala dawa ia ka Sorkar ban thungkam pyndap ha baroh ki kam ba lait jong ki skul SSA hapoh ka Jylla.
U Rakkam u iathuh ba ki don palat 1000 tylli ki kam ba lait hapoh ka SSA namar ka jingshongthait ki nonghikai lane ba ki nonghikai kila iohkam pat shawei lane shah thungkam pura.
“Kumta, ngi la dep bthah ia ki DMC (District Monitoring Committee) ba kin ai ka kaiphid ba bniah bad ban pan ia ka jingmynjur na ka Sorkar haba don kano kano ka jingthungkam kaba long kat kum ka jingdonkam. Ngin sa shong bishar haba pynshong nongrim ia ki jingtyrwa bad ki kaiphod ha ryngkat bad ka jingdon ki khynnah skul” ula ong.
Haba kylli, u Myntri ula iathuh ba ha ka constituency jong u, ym duna ia ka 10-15 tylli ki skul ki dei ki bym don khynnah skul satia.
“Ym tang ka SSA hynrei ka Sorkar LP ka Sorkar, ngi dang pynshong nongrim mynta ban pynduh noh” ula ong.
