Yn thungkam palat 3000 ngut ki Pulit
Shillong, Rymphang 21 : Ka Sorkar Jylla kala rai ban pynkhlain noh ia ki Police Outpost bad ki Border Outpost khamtam kiba don ha khappud ka Assam da kaba thungkam ia palat 3000 ngut ki Pulit.
“Ngin pynthikna ia ka jingiohi ia ki Pulit jong ngi khnang ba ki paidbah kin sngewshngain bad heh mynsiem” ong u Myntri Rangbah haba jubab ia ka motion bala wanrah da u MLA ka Congress na Mawhati Bah Charles Marngar ha IIngdorbar, haba iadei bad ki jingeh ba iakynduh da ki briew bas ah ha ki jaka iakajia ha khappud.
Ula ong ba ka Sorkar Jylla kala pynkhlain ia ka jingdon ki pulit khamtam ha ki border outpost bad bynrap ba ka jingpyn bun ia ki Pulit kala urlong ha ki hynriew tylli ki border outpost bala rim bad dang bun ki border outpost ba thymmai ruh la pynkha ban pynthikna ia ka jingshngain bad ai jingiada ia ki paidbah ha khappud.
U Conrad ula pyntip ba ha kine ki khyndiat bnai, ka Sorkar kala pyndep ia ka jingthungkam sa 996 ngut ki Pulit, kiba dei na ka bynta ki border outpost.
Ula pynbna ruh ba ka Sorkar kala rai ban pynlong ia ka jingthungkam ba palat 3108 ngtu ki Pulit.
“Kine ki dei ki kam kiba lait ha ki Outpost bad Border Outpost. Kumta, shisien ba la dep ban thungkam ia ki 3108 ngut ki Pulit, kine kin sa leit sha ki outpost bad ngin sa iohi ia ka jingdon ka bor pulit kaba khlain ha ki shnong khappud” ula ong.
