Shillong, Iaiong 09 : Ka National People’s Party (NPP) kala pynpaw ba kam don jingkwah satia ban don kano kano ka jingiatreilang bad kiwei ki party na ka bynta ka elekshon shiteng samoi jong ka Shillong Lok Sabha, haba pyntip ba kan dang ban rai ia u kyrtong na ka bynta kane ka elekshon.
“Phi lah iohi ia ka sain pyrthei ha Meghalaya, ngim don ia kano kano ka jingiatreilang bad kiwei ki party ha ka elekshon. Haduh mynta, ngin dang ban rai ia u kyrtong na ka bynta ka elekshon shiteng samoi” ong u Working President ka NPP bad Myntri Sorkar Marcuise N Marak haba iakren bad ki nongthoh khubor ha ka sngi Palei.
Haba iadei bad ka jingjied ia u kyrtong Rajya Sabha, u Marak ula ong “Shen, ngin sa shim ia ka rai bad iano ban pynieng, ngin sa rai ia kane”.
Halor ka elekshon Garo Hills Autonomous District Council (GHADC), u Marcuise ula ong ba ka Sorkar kala pynjlan ia kane ka Iingdorbar ba mynta sa hynriew bnai, kaba ailad ban shim ia ki sienjam ba donkam ban hap leh hashuwa ban pynlong ia ka elekshon.
Haba kylli halor ka elekshon ha Assam, u Marcuise u pynpaw ba ka party ka kyrmen skhem ba kan lah ban plie account ha kane ka jylla ba marjan.
 kala pynpaw ba kam don jingkwah satia ban don kano kano ka jingiatreilang bad kiwei ki party na ka bynta ka elekshon shiteng samoi jong ka Shillong Lok Sabha, haba pyntip ba kan dang ban rai ia u kyrtong na ka bynta kane ka elekshon.){kind=link}