Shillong, Naiwieng 20: Ka Games Technical Conduct Committee (GTCC) kala shong ia ka jingialang hynne ka Lah Sngi u Blei ha Conference Hall jong ka Meghalaya State Olympics Association (MSOA), ban pynkhreh iaka 5th Meghalaya Games kaban long ha u snem ban wan.
Ia katei ka jingialang la pyniaid da u Working President ka MSOA Bah John F Kharshiing uba long ruh u Chairman ka GTCC ha kaba la iadonlang u Bah Finely L Pariat, General Secretary & Secretary ka GTCC, u Assistant Director jong ka Directorate of Sports and Youth Affairs u Bah PB War Nongbri bad ki dkhot jong ka MSOA ryngkat bad ki President & Secretary jong ki 22 tylli ki State Sports Association.
Ki nongiashimbynta kila iatai sani ban pynlong ia ka Meghalaya Games 2024 ia kaba la buh tarik ban pynlong naduh ka 15 tarik u Kyllalyngkot haduh ka 20 tarik u Kyllalyngkot 2024 ha Tura, West Garo Hills District.
Kan dei ha ka sien kaba nyngkong eh ha ka jylla ban pynlong ia katei ka lympung ialehkai kaba heh ha kiwei pat ki District.
Ha ka taiew kaba la dep, ka Organising Committee jongka 5th Meghalaya Games kala iakynduh ha ka 14 tarik u Naiwieng ha ka ophis treikam jong Director ka tnad Sports & Youth Affairs jongka sorkar jylla bad la pynlong ruh tylli ki jingialang kum shi bynta ban pynkhreh ban pynlong ia katei ka lympung iakob.
La iatai sani ha ki jingialang ha kaba iadei bad ki jaka kiban pynlong ia ki jingialehkai, ka jingwna poi bad jingmih noh ki nongialehkai, ki jaka sah, ka jingpynbit pynbiang ia ki jaka ialehkai, ka jingbuh bad jingpynbiang ia ki kor Internet, ka leit ka wan bad ki tiar ki tar kiba dei ban pynbiang na ka bynta ki jingialehkai bapher.
 kala shong ia ka jingialang hynne ka Lah Sngi u Blei ha Conference Hall jong ka Meghalaya State Olympics Association (MSOA), ban pynkhreh iaka 5th Meghalaya Games kaban long ha u snem ban wan.){kind=link}