Shillong, Naiwieng 20: Ka Myntri ka tnat ka koit ka khiah Kong Ampareen Lyngdoh kala khot iaka Meghalaya ASHA Workers Union (MAWU) ban wan sha ka jingiakren ka ban long haka 22 tarik mynta u bnai ban iakren iaki mat jingdawa jong ki nongtrei ASHA.
Haka shithi ba la phah shaka President ka MAWU, ka tnat ka koit ka khiah kala pyntip “Ka Myntri ka tnat ka koit ka khiah kala khot daka jingialang bad ki nongkitkam bad nongialam ka MAWU haka 22 tarik mynta u bnai hapoh ka ophis treikam ka Myntri ban iakren bad ka jingsangeh treikam ki ASHA”.
Kane ka wan hadien ba ki ASHA kila rai ban pynlong daka jingiakhih shong kyllain mongor kaba khlem pud sngi naduh ka 27 tarik mynta u bnai hakhmat ka khyrdop Secretariat ban pyrshah iaka jingleh mynthi ka Sorkar jylla ban kyntiew iaka bai nong ki ASHA sha ka T.5000.
Lah ban kdew ba haka 17 tarik mynta u bnai ki ASHA kila pynkut iaka jingiakhih daka ba iaid paidbah.
“Ngi la rai ban pynjur ia ka jingiakhih bad ha ka juh ka por ban pynlong da kaba shong kyllain mongor kaba khlem pud sngi naduh ka 27 tarik mynta u bnai hakhmat ka khyrdop Secretariat” la ong ka President jong ka MAWU ka Kong Marajune Myrsing.
Ka Kong Mira kala pyntip ba ki ASHA kin nym pyndem haka Sorkar lada ka Sorkar kam kular ban pynurlong iaki jingdawa ki nongtrei ASHA.
 ban wan sha ka jingiakren ka ban long haka 22 tarik mynta u bnai ban iakren iaki mat jingdawa jong ki nongtrei ASHA.){kind=link}