Shillong, Jymmang 06: Ka Meghalaya Commercial Truck Owners and Driver Association (MCTODA) hynne ka sngi ka la pynbna da ka jingsangeh kit coke ba khlem pud sngi na Ri-lum jaintia ban pyrshah ia ka jingbym kohnguh ka Coke Manufacturing Association (CMA) ia ka jingdawa ban pynkiew ia ka dor shalan.
Haba pynbna ia kan, u General Secretary ka MCTODA u Bah Shanborlang Suchiang u la ong, “Ngi la rai ban iaid shakhmat da ka jingiakhih khlem pud sngi hadien ba ka CMA kam shym la shimkhia ia ka jingdawa jong ngi, kaba long ban pynkiew ia ka dor kit ia u Coke sha ka T.2500 shi ton na ka T.1400 shi ton.”
U Bah Shanborlang u la ong ba ka MCTODA ka la shim ia kane ka rai hadien ba ka por ba la ai ia ka CMA ban bishar iaka jingdawa ka la kut noh mynta ka sngi.
“Ha ka jingshisha, ngi la thoh shithi ym tang sha ka CMA hynrei sha baroh ki Karkhana Coke kumjuh ha ki katto katne ki khep, kaba khatduh eh ka long ha ka 14-15 tarik u Iaiong hynrei kam shym la don kano kano ka jingshimkhia na ka liang jong ki. Namar kata ngi la rai ban phah shithi biang haka 1 tarik Jymmang ban pynkynmaw ba kin jubab,” u la ong.
U la kyntu ruh ïa baroh ki trai trok bad ki nongniah trok ba kin ai ka jingïatreilang bad kyrshan ïa kane ka rai jong ka MCTODA.
 hynne ka sngi ka la pynbna da ka jingsangeh kit coke ba khlem pud sngi na Ri-lum jaintia ban pyrshah ia ka jingbym kohnguh ka Coke Manufacturing Association (CMA) ia ka jingdawa ban pynkiew ia ka dor shalan.){kind=link}