Shillong, Naitung 16: Ka Khasi Students’ Union (KSU) ka la shim ia ka rai ban pynjur ia ka jingkhynra ia ki kot ki sla jong ki nongbylla sngi wat hapdeng ka jingleh jong ki Pulit pyrshah ia ki dkhot ka seng.
“Ngi lah ban iohi ba ka Sorkar Jylla ka pyrshang ban pyndik ia ki dkhot jong ngi da kaba khot ia ki manla ka sngi sha ki thanad hynrei ngi kwah ban phah ia ka khubor kaba shai sha ka sorkar ba ngin nang pynjur ruh ia ka jingpeit bniah ia ki kot ki sla jong ki nongbylla sngi ban pynthikna ba iaka inner line permit (ILP) bad iaka Meghalaya Residents Safety and Security Act (MRSSA), 2016 la pyntreikam mardor ha ka Jylla,” la ong u vice president ka KSU u samla Biangbor Paliar haba kren shaki lad pathai khubor.
U samla Biangbor ula don ryngkat bad 2 ngut ki dkhot ka KSU ba kynthup ïa u president ka Malki Circle u samla Iashan Mukhim bad u assistant general secretary u samla Mavian Jyrwa kiba la shah khot sha thanad Sadar hadien ba la ujor da ka suo motu pyrshah iaki halor ka jingkynnoh ba ki donkti ha kaba thombor ia ki nongbylla dang shen.
U samla Iashan ula pyntip baka jingshah ujor ejahar kadei ka bym don nongrim pyrshah iaki.
“Ka jingleh ki Pulit kadei tang ka buit bad ka jingpyrshang ban pynduh mynsiem bad ban byrngem ïa ngi. Ngin nym shah byrngem hynrei kane kan pynshlur ban bteng ïa ka jingdawa jong ngi naka Sorkar Pdeng ban pyntreikam ïa ka ILP bad iaka Sorkar Jylla ban pyntreikam iaka MRSSA naka bynta ban peitngor ïa ka jingwan buhai shnong ki bar Jylla sha ka jylla,” ula ong.
 bad iaka Meghalaya Residents Safety and Security Act (MRSSA), 2016 la pyntreikam mardor ha ka Jylla,” la ong u vice president ka KSU u samla Biangbor Paliar haba kren shaki lad pathai khubor.){kind=link}