Shillong, Lber 19 : Ka Khasi Students’ Union (KSU) kala pynkhreh ban pynlong ia ka jingiakhih ha ki skul bad ki jingialang ba pyniaid ka Sorkar, ban pyrshah ia ka jinghap rwai ia ka jingrwai Vande Matarem, haba pynpaw ba ki dkhot kiba shadien jong ka jingrwai ki dei kiba rwai iaroh ia ki Blei Hindu bad ka long kum ka jingkwah pynkylla Hindu ia baroh, kaba long pyrshah ia ka dustur Khasi.
Haba pynbna ia kane ha ka jingrakhe dap 48 snem jong ka Seng, u General Secretary ka KSU samla Donald V Thabah ula pynkynmaw ia ka jingshah set phatok ki dkhot ka KSU bad ong “Ki phatok ki ju don beit ia ki dkhot ka KSU” naba ki dkhot kim ju riej ban jam shakhmat ia kaei kaba u khot ka jingiada ia ka jinglong trai trai muluk.
Ula pyniadei ia ka hukum rwai Vande Mataram bad ki jingpyrshang ba kham hashuwa ba phah pyndonkam ia ka ktien Hindi bad ia ka Citizenship Amendment Act bad ka Uniform Civil Code, kaba u ong ba ka dei ka jingpyntroin ia ki rukom leh nala tynrai.
“Lada ngi shah ia ki ba kin hukum ia ngi ban rwai…shisien ka sngi ngin hap ban pdiang beit ia kaei kaba ki pynbeit” ula ong haba kyntu ia ki dkhot ba kin ai jingtip ia kano kano ka khep ba iarwai ia ka jingrwai khnang ba un lah ban pynlong ia ka jingiakhih ban pynpaw ia ka jingpyrshah.
U samla Donald ula ong ba tang ki ar tylli ki dkhot ba shakhmat ki kren halor ka khyndew ka shyiap katba kiba tam ki dei kiba ai jingiaroh ia ki Blei Hindu.
Ka KSU kala ban jur ia ka jingdawa ban don ka ain ba pyrrkhing ia ka jingwan rung kyrthep ki bar jylla bad maham ba ki pateng ban dang wan kin sa bishar ia kaei kaba leh mynta.
“Ngi la kut jingmut ban shakri na ka bynta ki 50,000 snem ban pyni sha ka pyrthei ba ki jaidbynriew trai ri trai muluk ki dang im” ong u samla Donald.
Haba ai jingkren, u President ka KSU samla Lambokstar Marngar ula ong ba ka seng, kaba la seng 48 snem mynshwa hapdeng kiba bun ki jingeh, ka dang iai kut jingmut ban ialeh pyrshah ia ki bor kiba nabar, kiba kwah ban pynkylla rit paid ia ki paid riewlum, haba kyntu ia ki samla ban pynneh ia ka jingiatylli bad ia ka nongrim halor kiei kiei baroh.
“Ki dkhot jong ngi ki ju iamih ban mad ia ki jingtynjuh bapher bapher tang da kawei ka thong—kata ka long ba ki jaidbynriew trai ri kim dei ban kylla long mraw” ong u samla Lambokstar sha ki dkhot, haba pynpaw ba ki phatok ki ju set ia ki dkhot ka KSU ha ki jingiakhih halor ka jingiakajia pud, ka pule puthi bad kiwei kiwei.
“Ki phatok Sorkar kim dei satia tang ia ki nongleh bymman, ka dei ka skul ban pynshlur ia ki dkhot ba kin ieid bad len lade na ka bynta ka daw bah jong ka Jaidbynriew” ula ong haba pynkynmaw ia ki nongialam bad ki dkhot kiba la kyllon iap namar ki kuli ka Sorkar bad ki mynder ba wan rung beain.
Ka KSU kala kut jingmut ruh ban iai buddien ia ki jingdawa ba dang sahteng – kynthup ka ain ba pyrrkhing ia ka jingrung kyrthep ki bar jylla.
 kala pynkhreh ban pynlong ia ka jingiakhih ha ki skul bad ki jingialang ba pyniaid ka Sorkar, ban pyrshah ia ka jinghap rwai ia ka jingrwai Vande Matarem, haba pynpaw ba ki dkhot kiba shadien jong ka jingrwai ki dei kiba rwai iaroh ia ki Blei Hindu bad ka long kum ka jingkwah pynkylla Hindu ia baroh, kaba long pyrshah ia ka dustur Khasi.){kind=link}