Shillong, Nailur 28 : Ka Hills State People Democratic Party (HSPDP) hynne ka sngi Balang, ka la rai ban pynjur ia ka jingpynkhreh ia ka elekshon MLA ka ban long ha u snem ban wan ha ka jylla khnang ba ka party kan ioh kham bun ka jingjop ne sei bun ki MLA.
Ia kane la pynpaw da u President Rangbah ka party bah KP Pangniang ha ka Regional Council jong ka HSPDP East Khasi Hills kaba long ha ka nongbah.
“Kum ka party kaba la rim tam ha ka jylla ngi don ka jingkyrmen ba ngin lah ban leh bha shuh shuh ha ka elekshon ban wan,” u la ong hadien ba la dep ban pynskhem ia ki nongkitkam ba thymmai jong ka HSPDP East Khasi Hills.
Ka party ha kane ka sngi ka la bynshet ruh ha u Bah Martle Mukhim ban tynrong ia ka lyngkor kum u President ka Distrik. La aiti ruh ha u bad ka kynhun ban iaid shakhmat ia ka kam na ka bynta ban pynkhreh na bynta ka elekshon ban sa wan.
Lah ban kdew hangne ba ka UDP ka don arngut ki MLA Kata u MLA ka Mawkyrwat Bah Renikton L Tongkhar bad uwei pat dei u Bah Samlin Malngiang MLA ka Sohïong.
Hynrei dang shen la phriang ki khubor ba u MLA ka Mawkyrwat u thmu ban leit iakhun noh na ka UDP katba u Bah Samlin pat u thmu ban iakhun noh na ka tiket NPP ha u 2023.
