Shillong, Lber 13: U Lamphang ka iingdorbar thawain ka jylla Thomas A Sangma hynne ka sngi ula lum iaka jingialang jong ka Business Advisory Committee (BAC) bad la shim iaka rai ban pynlong iaka Dorbar Mnag Tyngka naduh ka 20 tarikhaduh ka 28 tarik u Lber.
Haba iakren bad ki nongthoh khubor, u Lamphang ula ong, haka jingialang jong ka BAC lawan ban iashimbynta da baroh ki dkhot naduh u Symbud Myntri Rnagbah ka jylla u Bah Prestone Tynsong uba khmih iaka tnad Parliamentary Affairs, u Bah Lahkmen Rymbui, Bah Charles Pyngrope bad u Dr Celestine Lyngdoh.
“Ka BAC kala shim ia ka rai ban pynlong iaka dorbar mang tyngka kaba pura naduh ka 20 tarik u Lber haduh ka 28 tarik u Lber. Ki heh ophisar sorkar ki donkam ban pynbeit ia baroh ki mat kiba iadei bad ka pisa ka tyngka khamtam haba udei u bnai jong ka Mang Tyngka.
Ngi la ia rai ba ia ka dorbar dei ban pynkut noh ha ka 28 tarik u Lber” ong u Thomas Sangma.
U Lamphang ula iathuh ba kila pynduna noh ia ki sngi shong dorbar da kaba khate ia ki sngi na ka bynta ka Private Member Bill bad yn ialeh ban mang kham bun sngi noh haka dorbar synrai, hynrei ha kane ka dorbar kaba mynta la mang tang Ar sngi naka bynta ka Private Member Bill.
U Thomas Sangma ula ong, lada donkam, yn pynjlan iaka por ban shong dorbar namar kane ka shong haka bor jong u Lamphang.
U Lamphang ula iathuh ruh ba ha ka Dorbar Mang Tyngka yn pynlong ruh iaka elekhson ha kaban jied iau Symbud Lamphang ne Deputy Speaker ha kansgi sdang jong ka dorbar haka 20 tarik u Lber.
