Shillong, Nailar 09 : Ka Khasi Students Union (KSU) bad ka All Tamil Nadu Students’ Association (ATSA) kila rai ban iatreilang halor ki ishu kiba ktah ia ki briew jong ka thain Shatei Lam Mihngi ha South India.
Ia kane ka rai la shim ha ka jingialang ba long ha Nongbah Shillong hynne ka sngi Balang. Ia ka kynhun ka ATSA la ialam da u President Vishnuram P, u Joint Secretary Rajarajocholan, u Treasurer Gideon Bala Singham bad u Advisor Ragu.
Ha ka kyrwoh, u General Secretary ka KSU samla Donald V Thabah ula ong ba kane ka jingialang kala iakren halor ki ishu kiba ktah ia ki briew ka thain Shatei Lam Mihngi bad ka South India ba kynthup ia ka jingpynbor ban pyndonkam ia ka ktien Hindi bad ka jingrung kyrthep ki mynder ri.
Kala iakren ruh halor ka jingdonkam ban wad ia ki lad ki lynti ha kaban iada ia ki paidbah ka Tamil Nadu bad Meghalaya.
“Ngi la rai ban iatreilang halor ki ishu kiba ktah ia ki paidbah ka thain Shatei Lam Mihngi bad ka South India” ong u samla Donald haba pyntip ba ka ATSA kala kular ban iarap ia ki samla pule Khasi kiba don ha Tamil Nadu.
Pule lang ia kane:Â Ka jingjia Mukroh kam don jingiadei eiei ruh em bad ka jingiakren pynbeit pud : HBDRF
Peit lang ia kane
