Nongstoiñ, Risaw 11: Ka kynhun ïalehkai jong ka Mawlarshong Sports Club, ka la ïoh ban rah ïa ka nam kum ka lahduh ha ka lympung ïalehkai football jong ka 1st Division ka Nongstoiñ District Sports Association ïa kaba la tip ruh kum ka NDSA Premier League Football Tournament 2022.
Ka nam jop sha ka Mawlarshong SC ka la jia long hadien ba ka la lah ban pynliem khlem jingeh ïa ka Tiehrit SC da 5 kol la 1 ha ka final kaba la long hynne ka sngi ba-ar ha madan ïalehkai ha Mawkadiang, Nongstoiñ.
Ia ka nam man of the match la ïoh ban khur da u Shelblikstar K.Shilot na ka Mawlarshong, best Goalkeeper sha u Teibor Lyngkhoi na ka Mawlarshong, Emerging player u Wankerlang Lyngkhoi na ka Tiehsaw Pengkyllut, ha ka Top Scorer ki don ar ngut u Everest na ka New Nongstoiñ bad u Balming Lyngkhoi na ka Mawlarshong, katba ïa ka nam best player la ïoh ban khur da u Balming Lyngkhoi na ka Mawlarshong SC.
Ha kane ka lympung final la donlang ruh da u Bah Macmillan Kharbani kum u kongsan, ha kaba u la shim ruh ïa ka bynta ban sam ïa ki khusnam sha ka kynhun ba rah ïa ka nam lahduh bad kumjuh ruh ïa kitei ki khusam bapher bapher
