Shillong, Risaw 16 :Ka Boxing Association ka East Khasi Hills District ka la ioh rah ia ka nam lahduh ha ka State Boxing Sub Junior U-15 Boxing Championship 2026, ba la pynlong ha basketball court, Raid Laban College, Madan Laban, Shillong.
Ka kynhun ialehkai kaba la wan ha ka kyrdan kaba ar ne runners up dei ka kynhun ka Eastern West Khasi Hills District.
Ia kane ka lympung la wan pyndap pyrda da u Myntri ka sorkar jylla bad MLA ka 19 South Shillong Bah Sanbor Shullai, ha ka jingiadon ryngkat u Rangbah Shnong bad Secretary Shnong ka Madan Laban & Riat Laban, bah Iostar Sun bad bah R. G Marbaniang, u Secretary ka Raid Lban Colleg bah R. Rynjah bad kiwei kiwei.
Ia kane ka lympung ialehkai, la lah ban pynlong da ka jingiarap bad bei pisa da ka tnat jong ka Directorate of Sports & Youth Affairs ryngkat ka song iarap ka Chief Minister Special Scheme.
Haba phai sha ki phainal resol na kane ka lympung iakob, ha ka kyrdan iakhun kaba 28-30 kg ka leit sha u Wanmi Dashngain Kharkongor ba wan ba-ar dei u Marcellino R. Rimen, ha ka 30-33kg, ka nam jop ka leit sha u Daniel Nongrum ba wan ba-ar Safal Thapa, 33-36kg, u nongjop dei u Salweang M. Sangma ba-ar Samridh Biswa, 36-38kg, ka nam jop ka leit sha u Kitbok Shabong hadien ba ar dei u Elegant Shdap, 38-40kg, ka nam jop ka leit sha u Steven Khyllep ba wan ba-ar Bantei Rani.
Ha ka kyrdan iakhun kaba 40-42kg nongjop dei u Ethan Nongdhar ba wan ba-ar Banlang Lyngdoh, 44-46kg nongjop dei u Debraj Thapa ba wan ba-ar Shandor Kharchandi, 46-48kg, nongjop dei u Kabibath M. Sangma ba ar Denzil Myrthong, 48-50kg nongjop dei u Samha o Malieh ba ba-ar Ariri Ch Momin, 50-52kg ka nam jop ka leit sha u Enzo Jordan Nongkhladw , ba ar Dedo R Marak bad ha ka kyrdan iakhun kaba 52-54kg ka nam jop ka leit sha u Ronak Thapa hadien ba ar Obadia R. Marak.
Ha ka kyrdan iakhun kaba 54-57 kg ka nam jop ka leit sha u Rudolf Lyngdoh ba wan ba-ar Dame La-ai Janai Ksiang bad 57-60kg ka nam jop ka leit sha u Immanuel SM Sangma hadien ba u la pynliem noh ia u Reginal Dkhar.
Haba phai pat sha ka liang ki khynnah kynthei, ka Usiful Iawphniaw ka la khur ia ka nam jop ka jong ka ha ka kyrdan iakhun kaba 30-36kg ba-ar pat dei ka Saphibakyrmen Kharsyntiew, 38-42kg ka nam jop ka leit sha ka Haphibasuk Kharsyntiew ba an ba-ar Maphibanri Wahlang, 42-46kg ka nam jop ka leit sha ka Tariasa K Marak hadien ba -ar Ira Bang, 46-48kg ka nam jop ka leit sha ka Dashisha Marbaniang ba wan ba-ar Ribashisha Sylliang.
Katba ha ka kyrdan iakhun kaba 48-50kg ka namjop ka leit sha ka Judith Rympei hadien ba wan ba ar Darissa Adaia Batngen Lamin, 50-54kg, ka namjop la rah iaka da ka Rika Dame Sungoh hadien ba ka ba wn ba-ar Sheri Angels Laloo, katba ha ka kyrdan iakhun kaba 57-60kg la jop da ka a Yangzan Tamang ba-ar Cassandra Diophika Wankhar.
Ha kane ka kynti, ka MBA ka la pyniakhun kyrpang ia ka kyrdan ka Elite Women ha ka kyrdan iakhun ba 54-57kg, ha kaba ka Nalangki Iakai ka la pynliem ia ka Pynjanai Syngkli.
