Shillong Naiwieng 11: Ka BBS College kala pynrem iaka St Anthonys College ban long ka lahduh ha ka Inter College Cricket (Mens) Tournament kaba la pynlong da ka skulbah NEHU.
Ha kane ka jingiakhun iaka phainal ka BBS kala leit ban tied nyngkong ha kaba kala kamai 164 ha ki 20 Over bad hap 9 wiket, kumta ka St Anthonys kaba la leit ban tied hadien kala lah ban kamai 141 run ha ki 20 Over bad hap 7 wiket bad ka BBS College kala jop ia kane ka jingiakhun da 23 run bad rah ia ka nam lahduh mynta u snem.
U Prof. K. Debberma, Dean, School of Social Science, NEHU kum u kongsan ula sam ia ki khusnam sha ki nongjop ha kaba la iadonlang u Principal jongka BBS College bad kiwei kiwei.
U Pawan Kumar jongka BBS College ula ioh ia ka khusnam Man of the Match katba u Rohit Yadav jongka St. Anthony’s College ula ioh iaka khusnam Man of the Tournament.
 Tournament kaba la pynlong da ka skulbah NEHU.){kind=link}