Shillong Kyllalyngkot 18: U Myntri Rangbahduh ka ri u Narendra Modi hynne ka sngi Palei ula iakren bad ki nongioh jingmyntoi jong ka Viksit Bharat SankalpYatra lyngba ka video conferencing ha kaba ula iaroh ia ka samla Silme Marak na Ri Bhoi District halor ka jingnoh synniang ka jongka iaka imlang sahlang bad ong ba kadei ka Modi ha ka shnong jong ka.
Ha katei ka prokram da ki hajar ngut ki nongioh jingmyntoi jong ka VBSY na kylleng ka ri ki la iasnohkti lang ha katei ka prokram bad napoh ka Ri Bhoi distrik jong ka jylla Meghalaya, ka samla Silme Marak kala ioh ban iakren bad u Myntri Rangbahduh ha kaba la iadonlang ki Myntri Sorkar Pdeng, ki MP, ki MLA bad ki nongmihkhmat na ka thaiñ.
Ka jingim jong ka samla Silme Marak na Ri Bhoi distrik, kala kylla hadien ba kala phaikhmat na i dukan barit sha ka kynhun Self Help Group bad mynta kane ka samla ka iarap iaki longkmie ha ka thaiñ ban pynrung kyrteng ha ki Self Help Group bad kala iarap ruh ha kaban thaw ia palat 50 tylli ki Self Help Group.
Ka Marak kadei ka nongioh jingmyntoi jong ka PM Kisan Samman Nidhi, Bima bad kiwei kiwei ki skhim.
Kane ka samla ka pyniaid ruh ia ka customer service point ha ka Block jongka bad iarap ia ki briew ban ioh ia ki skhim jong ka sorkar bad ka kynhun jongka, ka trei ha ki kam ba iadei bad ki mar bam.
U Myntri Rangbah duh ula iaroh ia ka jingskhem jingmut jong ka.
U Myntri Rangbah duh ula kdew kyrpang ia ka jingshemphang jongka ha kaba iadei bad ki skhim sorkar bad ka jingtbit jong ka ia ka ktien Hindi “Phewse phi kham tbit ban ia nga,” la ong u Myntri Rangbahduh haba iaroh ia ka.
U Myntri Rangbahduh ula iaroh ruh ia ki kam noh synniang jongka sha ka imlang sahlang bad ula ong “Ka jingaiti jong ki briew kum ma phi kadei ka bor ha lyndet ka jingkut jingmut jong ngi ban pynpoi ia ki jingmyntoi jong ka skhim sorkar sha man u nongshong shnong jong ka ri. Aap jaise logon se mera kaam bahut asan ho jata hai. Aap hi Gaon ki Modi ho- Ki briew kum ma phi ki pynsuk ia ka kam jong nga. Phi long Modi jong ka shnong jong phi,” la ong u Myntri Rangbah duh.
