Shillong, Risaw 17: The seng Saindur Tipkur Tipkha Ehrngiew Hynniewtrep (STIEH) hynne ka sngi ka pynpaw ka jingpyrshah kaba jur halor ka jingpynlong iaka Shillong Cherry Blossom kaba hap ruh haka Sngi U Blei.
Lah ban kdew ba kane Shillong Cherry Blossom kan sdang naduh ka 17 haduh ka 19 tarik Naiwieng 2023 kaba hap ruh haka sngi U Blei.
“Ngi pynpaw ka jingpyrshah iaka rai ban pynlong iaka Shillong Cherry Blossom ka ban kut haka sngi U Blei kaba dei ruh ka sngi kyrpang ki kristan” la ong ka dorkhas ba phah daka STIEH sha u Myntri ka tnat jngohkai ka sorkar jylla u bah Paul Lyngdoh.
Ka STIEH kala pynpaw baka Sngi u Blei kadei ka sngi kyrpang jong ki riewngeit kristan hapoh ka jylla Meghalaya.
“Ka Meghalaya kadei ka jylla kaba tip briew tip Blei. Ka sngi U Blei kadei ka sngi kyrpang jong ki paidbah namar kane kadei ka sngi kaba ki riewngeit ki leit ban ai nguh ia u Blei bad ka jingpynlong iaka Shillong Cherry Blossom Festival haka sngi U Blei ban burom ia u dieng ka long ka jingibein ia u Blei” la ong ka dorkhas.
 hynne ka sngi ka pynpaw ka jingpyrshah kaba jur halor ka jingpynlong iaka Shillong Cherry Blossom kaba hap ruh haka Sngi U Blei.){kind=link}