Shillong, Naitung 21: Ka Hills State People’s Democratic Party (HSPDP) hynne ka sngi Thohdieng, kala pynpaw ia ka jingpyrshah jur halor ka jingthmu jong ka sorkar pdeng ban pyntreikam iaka Uniform Civil Code (UCC) hapoh Meghalaya.
“Ngi la iathir bha halor kane ka jingthmu ka sorkar pdeng ban pyntreikam iaka UCC ha baroh kawei ka Ri. Kum ka Party ngi la shim ka rai ban pyrshah iaka jingpyntreikam iaka UCC hapoh Meghalaya” ong u president ka HSPDP bah K.P Pangniang.
Haba kylli, u bah Pangniang ula ong ba ka Party ka tip ba ka jylla kam pat ioh pdiang iaka Draft halor ka UCC.
“Na ka liang ka Party kala rai ban pyrshah iaka UCC bad shen ngin saphah daka jingthoh shaka sorkar ban pynpaw ka jingpyrshah halor kane” ula ong.
U bah Pangniang ula iathuh ba naka liang ka Party kala shim ruh ia ka rai ban pynkynmaw iaka sorkar halor jingdawa pyntreikam ia ka Inner Line Permit (ILP) ha Meghalaya bad ban ai jingithuh noh iaka ktien Khasi hapoh ka khyrnit ba phra jong ka Riti Synshar ka Ri.
“Ngin sa leit pynkynmaw iaka sortkar jylla ba kadei ban leit buddien bad ka sorkar pdeng halor kine ki jingdawa bad naka liang ka Party kala aiti sha u Myntri Sorkar naka party ban leh ia kane ka kam” ula ong.
Nalor kane ka HSPDP ka ieng skhem ban pyrshah jur iaka jingthmu ban pynpoi lynti Rel hapoh Khasi-Jaintia Hills khlem da urlong shwa ki ain ban tehlakam aika jingwan buhai shnong ki bar jylla.
“Haka mat iakhun ilekshon ruh ka Party ka kren shai ban pyrshah iaka Rel hapoh Khasi-Jaintia namar ka jylla haduh mynta kam pat don ki ain ki kanun ki ban iada iaka jingshah kyrthlep ki trai ri trai muluk ha ki bar jylla” ula ong.
Pule ruh: Sdang ka lympung ialehkai Meghalaya State Chess Championship ha Umsning
 hynne ka sngi Thohdieng, kala pynpaw ia ka jingpyrshah jur halor ka jingthmu jong ka sorkar pdeng ban pyntreikam iaka Uniform Civil Code (UCC) hapoh Meghalaya.){kind=link}