Shillong, Naitung 28 : Ka Hynniewtrep National Youth Front (HNYF) Mawryngkneng Circle kala pyrshah jur ia ka rai jong ka Dorbar Shnong Pommura ban ai No Objection Certificate (NOC) ha kaban plie ia 4-5 tylli ki dukan die kyiad (winestore) hapoh ka Shnong.
Ha ka shithi bala phah sha u Myntri ka Tnad Excise Bah Kyrmen Shylla ha ka sngi Nyngkong, u Working President ka HNYF-MC Robert Sohtun ula ong “Ngi pyrshah jur ia ka rai jong ka Dorbar Shnong ban ai NOC ha kaban plie ia 4-5 tylli ki winestore. Namar kata, ngi kyrpad ba phin tuklar ha kaban pynsangeh ia kane ka sienjam”.
Kat kum ka jingong jong u, ka jingpyrshah ka dei halor ka jingiohi ia kaei kaba mih na ka jingdon jong kawei ka wine store, kaba la wanrah ia ki jingjia aksiden ha surok bad ki kam ba pynthut ia ka shongsuk shongsain, ba lam ruh sha ka jingduh ia ki mynsiem briew.
 Mawryngkneng Circle kala pyrshah jur ia ka rai jong ka Dorbar Shnong Pommura ban ai No Objection Certificate (NOC) ha kaban plie ia 4-5 tylli ki dukan die kyiad (winestore) hapoh ka Shnong.){kind=link}