-->

Pyrshah jur u MLA ka Nongpoh ban pyntreikam ia ka UCC ha Jylla

Date:

Share post:

Shillong, Nailur 12: U MLA ka Nongpoh Bah Mayralborn Syiem, ula pynpaw ia ka jingpyrshah ban pyntreikam ia ka Uniform Civil Code (UCC) ha Meghalaya namar ba kan iatyngkhuh bad ki riti dustur, ka hiar pateng, ki ain nala riti, ka Christian Marriage Act nalor kiwei kiwei de.

U bah Marylborn ula pynpaw ia kane haba kylli halor ka nongrim baka United Democratic Party (UDP) ka ieng halor ka jingthmu jong ka sorkar pdeng ban pyntreikam daka UCC ha baroh kawei ka ri India.

U bah Marylborn ula iathuh ba naduh ki por bala dep, ula ju iai kren shai ha ki jingialang bapher bapher halor ka jingma lada pyntreikam iaka UCC khamtam hapoh Meghalaya bad ka thain shathei Lam Mihngi (North East).

“Haba peit iaka riti dustur ki nong shong shnong ka Meghalaya, naduh ka hiar pateng, ki ain nala riti, ki district council, ka jingpyntreikam iaka UCC kan sa ktah iaka jinglong kyrpang ka jylla bad ki paidbah nongshongshnong” ula ong.

Haba kylli hato ka UDP kan pynbor ne em iaka sorkar jylla ban wanrah daka Resolution pyrshah iaka UCC ha ka Dorbar Synrai, u MLA ka Nongpoh ula ong “Nga ieh bad nga shaniah ha u nongaiktien ka UDP ban jubab halor kata”.

Share post:

-->
spot_img

Popular

More like this
Related

Khur biang ka EKH ia ka nam lahduh ka State Karate Championship 2025

Shillong, Risaw 27: Ka East Khasi Hills ka la...

Hapoh u Nohprah yn pyntreikam ka Sorkar ia ka tulop ba pynbeit ryntih ia ki Nonghikai

Shillong, Risaw 27: Ka sorkar jylla kala pynkhreh ban...

Rah ka New Nongstoin bad Dilingim ia ka 1st MLA Cup

Nongstoin, Risaw 27: Ka New Nongstoin Sports Club bad...

Dang ban shim rai ka Sorkar ia ki sienjam ban pynkylla ia ka kam pule dangle

Shillong, Risaw 27: Ka tnad pule puthi jong ka...