Shillong, Naitung 21: Ka Meghalaya College Teachers Association (MCTA) hynne ka sngi Thohdieng, kala pyrshah jur iaka jingrai kyrkieh u Vice Chancellor (VC) ka skulbah North Eastern Hills University (NEHU) ban pyntreikam noh iaka National Education Policy (NEP) 2020 na ka bynta ki Under Graduate naduh 1 tarik Nailar 2023.
Haba kren sha ki lad pathai khubor u General Secretary ka MCTA Dr. A.W Rani ula iathuh ba haka jingialang kaba 110 jong ka Academic Council ka NEHU, baroh ki dkhot kiba wan shim bynta haka jingialang kila pynpaw ba kim lah ban pyntreikam iaka NEP mynta u snem.
U Dr. Rani ula iathuh ba haka 12 tarik Naitung ka NEHU lyngba ka ophis College Development Council (CDC) kala phah shithi sha baroh ki Principal jong ki College kiba hap haka jingkhmih ka NEHU ba haka jingialang kaba 110 jong ka Academic Council, la ia mynjur lang ban pyntreikam iaka NEP naduh 1 tarik Nailar 2023.
“Ka jingpynbna dang shen da u VC ka NEHU bala ia mynjur ban pyntreikam noh iaka NEP 2020 haka jingialang jong ka Academic Council ka long kaba bakla jur namar haka jingialang kam shym la don kano kano ka rai ban pyntreikam noh iaka NEP naduh mynta u snem 2023” la ong u Dr. Rani.
U Dr. Rani ula iathuh ba kane ka jingpybna kyrkieh u VC ka NEHU ban pyntreikam noh iaka NEP naduh 1 tarik Nailar kala pynkulmar iaki College namar bun ki College kila sdang ban shim klas daka ba pyndonkam daki Course lane ki jinghikai barim iaki samla pule.
Ula iathuh ba naka liang ka MCTA kala dep ban phah jingthoh sha u VC ka NEHU bad sha u myntri ka tnat pule ba ki College daka ba kdew ba ki dang bun ki College ki bym lah ban pyntreikam kyrkieh iaka NEP naduh 1 tarik Nailar 2023.
“Lada u VC ka NEHU um ngeit ba ki dang bun ki College kiba pyrshah ban pyntreikam iaka NEP naduh mynta u snem, udei ban khmih iaki bha iaki mat iatai (Proceeding) jong ka jingialang kaba 110 jong ka Academic Council ha kaba la kdew shai haki mat iatai ba la mynjur tang iaka Ordinance jong ka NEP bad ki Syllabus ym ban pyntreikam iaka NEP naduh 1 tarik Nailar 2023” ula ong.
 hynne ka sngi Thohdieng, kala pyrshah jur iaka jingrai kyrkieh u Vice Chancellor (VC) ka skulbah North Eastern Hills University (NEHU) ban pyntreikam noh iaka National Education Policy (NEP) 2020 na ka bynta ki Under Graduate naduh 1 tarik Nailar 2023.){kind=link}