Nongpoh, K’lyngkot 06 : Ka FKJGP-North Khasi Hills, kala pyrshah jur halor ka jingkynnoh ailad ka North Eastern Police Academy (NEPA), Umiam, ia ki bar jylla ban shong dukam hapoh ka Shopping Complex ka Academy khlem ka Trading Licence.
Ka FKJGO-NKH hapoh ka jingialam u President Bah Luistar Lyngdoh bad u Senior Vice President Lumlang Mawnai, kila leit ban iakynduh ruh ia ki bor khmih jong ka Shopping Complex ban pan jingshai ia kane ka jingailad ban pynkhein ia ki ain ki kyndon jong ka Khasi Hills Autonomous District Council (KHADC).
Haba kren sha ki lad pathai khubor, u Bah Luistar ula pynpaw ia ka jingsngewkhia ba ki bor ka NEPA kila leh bym suidniew ia ki kyndon ain ka Jylla. Ula pyntip ba ki don kumba 9 tylli ki dukan ha kane ka Shopping Complex ha kaba 2 tylli la ai sha ki trai ri trai muluk katba 7 tylli la ai sha ki bar jylla, kiba la pynieng ia ki mar ki mata khlem ka Licence.
U pyntip ba ka Seng kala iakynduh ruh ia u Inspector ba peit ia kane ka Shopping Complex bad dawa ba dei ban bthah ia ki bar jylla ba shong dukan ha ka Complex ba ki dei ban pynbiang shuwa ia ka Trading Licence.
Ka FKJGP kala aipor ruh 3 bnai ia kine ki dukan ba kin aplai ia ka Trading Licence.
U Bah Luistar ula ong ba ka long kaba sngewlyngngoh ba kane ka tnad Pulit ka leh bym suidniew ia ka ain bad bynrap ba kane ka jingleh jong ka, kan ialam bakla shibun ia ki paidbah ka Jylla.
, Umiam, ia ki bar jylla ban shong dukam hapoh ka Shopping Complex ka Academy khlem ka Trading Licence.){kind=link}